३० औं वार्षिकोत्सवको अवसरमा बिवाईडी नेपालद्धारा १०० युनिट गाडी डेलिभरी

काठमाडौं– बिवाईडीको ३० औं वार्षिकोत्सव र १ करोड न्यू इनर्जी भेइकल उत्पादनको अवसरमा साईमेक्स इंकले नेपालभर १०० यूनिट विद्युतीय गाडी डेलिभरी गरेको छ ।

यस उपलब्धिले नेपाललाई दिगो यातायाततर्फ उन्मुख गराएको र हरित भविष्यप्रति बीवाईडिले देखाएको प्रतिबद्धता झल्किने कम्पनीले जनाएको छ । वार्षिकोत्सवको अवसरमा १०० विद्युतीय गाडी डेलिभरीले नेपालको दिगो यातायात समाधान प्रतिको रुचि र बिवाईडीको प्रविधिमाथि ग्राहकहरूको विश्वास गरेको प्रष्ट हुने कम्पनी भनाई छ ।

कम्पनीका अनुसार विश्वव्यापी रूपमा बिवाईडीले १ करोड न्यू इनर्जी भेइकल उत्पादन गरी नयाँ माइलस्टोन कायम गरेको छ भने यसले नवप्रवर्तन, दिगोपन, र शून्य उत्सर्जन तर्फको भविष्यप्रति आफ्नो प्रतिबद्धता समेत प्रमाणित गरेको छ ।

साईमेक्स इंकले नेपालमा बिवाईडीका एट्टो३, डल्फिन र सिल जस्ता आधुनिक मोडलहरू बिक्री गर्दै आएको छ । यी ईभीमा उपलब्ध गराइएको अत्याधुनिक ब्लेड ब्याट्री प्रविधि, सुरक्षाको उच्च स्तर र उत्कृष्ट प्रदर्शनका कारणले नेपाली ग्राहकहरूको रोजाइमा परेका छन् ।

‘बिवाईडीको ३० औं वार्षिकोत्सवमा नेपालभर १०० गाडी डेलिभरीको उपलब्धि हाम्रो लागि गर्वको क्षण हो । यो हाम्रो टोलीको मेहनत र ग्राहकहरूको विश्वासको प्रमाण समेत हो । संगसंगै, हामी नेपालको दिगो यातायाततर्फ यात्राको गति बढाउँन मदत पनि गर्दैछौ’ साइमेक्स इंकका नेश्नल सेल्स हेड आशुतोष गौतमले भने ।