चिनियाँ बजारमा बीवाईडीको दवदवा, पछि परे धेरै ब्रान्ड

यो वर्षको अप्रिल महिनामा चीनमा बिक्री भएका न्यु इनर्जी भेइकलमा बीवाईडीले उल्लेखनिय उपलब्धि हासिल गरेको छ । अप्रिल महिनामा बीवाईडीले ३ लाख १२ हजार ४८ युनिट कार बिक्री गर्न सफल भएको छ । बीवाईडी अन्तर्गत सो ग्रुपमा रहेका डेन्जा, फाङ चेङ बाओ र याङ वाङ समेत सामेल छन् ।

दोस्रो स्थानमा रहेको चांगानले यो महिनामा ५१ ह्जार ७ सय कार बिक्री गरेको छ । चांगान अन्तर्गत चांगानका साथै अवतार, दिपल र कियुआन समेत रहेका छन् । त्यसैगरी गरी तेस्रो स्थानमा गिली अटो रहेको छ र यसले ५१ हजार ४२८ कार बिक्री गरेको छ ।

दोस्रो र तेस्रो नम्बरमा रहेका कम्पनीको बिक्रीमा धेरै फरक नभए पनि पहिलो र दोस्रो बिचमा भने धेरै फरक छ । बीवाईडीले एकै पटक यति धेरै उपलब्धि हासिल गरेको पाइन्छ ।

तेस्रो देखि दशौं नम्बर सम्म क्रमशः जीएसी एइअन, लि अटो, एइटो, नियो, लिप मोटर, एक्सपेङ, नेटा र एसएआईसी रहेका छन् ।

नेपाली बजारमा समेत बीवाईडीका साथै चांगान, जीएसी, नेटा जस्ता ब्रान्ड उपलब्ध छन् भने लिप मोटर लगायतका अन्य ब्रान्ड समेत नेपाल भित्रिने तयारीमा रहेका छन् ।

बीवाईडीले कार बिक्रीको मामिलामा हाल टेस्लालाई समेत उछिनेको छ । बीवाईडीमा प्रयोग भएको ब्लेड ब्याट्री निकै नै लोकप्रिय छ ।  यसलाई ब्याट्री प्याकमा ब्लेड जसरी मिलाएर राख्न सकिन्छ । परम्परागत लिथियम ब्याट्री र लिथियम आइरन फस्फेट ब्याट्री भन्दा यो बढी सुरक्षित हुनुका साथै लामो रेन्ज दिने र टिकाउ समेत हुन्छ ।