मदनकृष्णलाई बीवाईडी एट्टो ३ हस्तान्तरण, काठमाडौं गुर्खाजको टाइटल स्पोन्सर बन्यो बीवाईडी

काठमाडौं – बीवाईडीको नेपालका लागि आधिकारिक वितरक साइमेक्स इंकले लोकप्रिय कलाकार मदनकृष्ण श्रेष्ठलाई बीवाईडी एट्टो ३ गाडी हस्तान्तरण गरेको छ ।

यो भन्दा पहिले मदनकृष्णकै जोडी हरिबंश आचार्यले बीवाईडी एट्टो ३ नै चढिरहेका छन् । हरिबंश आचार्य नेपालमा बीवाईडीको ब्रान्ड एम्बेसडर समेत हुन् ।

त्यसैगरी हालै साइमेक्स इंकले नेपाली खेलकुद जगतका लागि अर्को महत्वपूर्ण कार्य गरेको छ ।

नेपाल प्रिमियर लिग (एनपीएल) को फ्रेन्चाइज क्लब ‘काठमाडौं गुर्खाज’को टाइटल स्पोन्सर बीवाईडी बनेको छ ।

यस प्रकार बीवाईडी नेपालले नेपाली खेलकुद जगतका लागि समेत केही योगदान दिने तयारी थालेको छ ।

यी दुई महत्वपूर्ण कार्य बीवाईडीको विश्व इतिहासमा भएको एक उल्लेखनिय उपलब्धि हासिल भएको समयमा भएको छ ।

बीवाईडीले हालै १ करोड एनईभी अर्थात न्यु इनर्जी भेइकल उत्पादनको महत्वपूर्ण माइलस्टोन हासिल गरेको छ । यही उपलब्धिलाई देखाउने गरी बीवाईडीका नेपालस्थित शोरुमहरुमा पनि केही झलक देखिएको छ ।

बीवाईडीले ५० लाख एनईभी उत्पादन गर्न १५ वर्षको समय लगाएको थियो । तर अर्को ५० लाख सवारी साधन उत्पादनको लक्ष्य भने १५ महिनामै हासिल गर्न सफल भएको छ ।

सन् २०२२ नोभेम्बर १६ अर्थात ठ्याक्कै तीन वर्ष पहिले बीवाईडीले ३० लाखौ एनईभीको रुपमा प्योर इलेक्ट्रिक बीवाईडी सिल सार्वजनिक गरेको थियो। त्यसैगरी ५० लाखौ एनईभी सन् २०२३ अगस्ट ९ मा सार्वजनिक गरिएको थियो भने क्रमिक रुपमा उत्पादन बढ्दै गएर यही वर्षको सेप्टेम्बरमा ९० लाखौ एनईभी उत्पादन भएको थियो । करिव दुई महिनाकै अवधिमा कम्पनीले फेरि १० लाख उत्पादन बढाएर १ करोडौं सवारी अर्थात एनईभी सार्वजनिक गरेको हो ।