बीवाईडीको ‘एक्सचेन्ज फेस्ट’ सुरु, के–के छ सुबिधा ?

काठमाडौं– बीवाईडी ‘एक्सचेन्ज फेस्ट’ बिहिबारदेखि काठमाडौँमा सुरु भएको छ । मेला उपत्यकाका पाँच स्थानसहित बुटवल, भैरहवा, इटहरी, बिर्तामोड, जनकपुर, वीरगन्ज, पोखरा, बनेपा, नेपालगन्ज र नारायणघाटमा एकसाथ सुरु भएको हो ।

मेलामा ग्राहकले आफूसँग भएको जुनसुकै ब्रान्डको पुरानो गाडीसँग बीवाईडीको एट्टो ३, डल्फिन र एम६ साट्न सक्नेछन् । यी गाडीको टेष्ट ड्राइभ समेत गर्न सकिनेछ।

एक्सचेन्ज गर्दा पुरानो गाडीमा उत्कृष्ट मूल्यांकनका साथ एक्सचेन्ज बोनस, लोयल्टी बोनस, निःशुल्क प्रिमियम एसेसरिज र निःशुल्क चार्जर जडानको सुबिधा प्रदान गरिने आधिकारिक वितरक साइमेक्स इंक प्रालिले जनाएको छ । मेला आइतबारसम्म चल्नेछ ।