विवाइडीको एक्सचेन्ज क्याम्प शुरु, पुरानो गाडीसंग इलक्ट्रिक कार सट्टापट्टा गर्न सकिने

विवाइडीको नेपालका लागि आधिकारिक बितरक साइमेक्स इंक प्रालिले आजदेखी लागु हुनेगरी ५ दिनसम्मका लागी एक्सचेन्ज क्याम्प आयोजना गरेको छ । नक्सालमा रहेको विवाइडी पार्कमा गएर ग्राहकले आफूसंग भएको जुनसुकै ब्रान्डको पुरानो गाडीसंग ब्रान्ड न्यू इलेक्ट्रिक कार एक्सचेन्ज गर्न सकिने कम्पनीले बताएको छ ।

यसरी एक्सचेन्ज गर्दा ग्राहकले अन स्पट भ्यालुएसन, एक्सचेज बोनस, फाइनान्सिङको सुबिधा, निशुल्क एसेसोरिज र अन्य अफर समेत पाउन सक्नेछन् । इलेक्ट्रिक कारलाई लक्षित गरी आयोजना गरिएको उक्त क्याम्प फगुन २२ गतेसम्म चल्नेछ ।

चाइजिन इलेक्ट्रिक कार विवाइडीको नेपाली बजारमा अल न्यू ई६, ई६, एम थ्री र टी थ्री मोडल उपलब्ध रहँदै आएको छ । जसमध्ये अल न्यू ई६ अहिले इभी पारखीको रोजाई बनिरहेको छ । यसको २०२२ मोडल समेत नेपाली बजारमा उपलब्ध रहेको छ ।