अष्ट्रेलियन एनक्यापको क्र्यास टेष्टमा बीवाइडी डल्फिनलाई ५ स्टार रेटिङ

बीवाइडीको लोकप्रिय इलेक्ट्रिक ह्याचब्याक डल्फिनले अष्ट्रेलियन एनक्यापको सेफ्टि टेष्टमा ५ स्टार रेटिङ हाँसिल गरेको छ । हालै सम्पन्न सो क्र्यास टेष्टमा डल्फिन सहित बीवाइडीको अर्को प्रिमियम इलेक्ट्रिक सेडान सीलले समेत ५ स्टार रेटिङ पाएको हो । यसअघि बीवाइडीकै एट्टो३ ले पनि सो टेष्टमा ५ स्टार रेटिङ पाएको थियो ।

नेपाली बजारमा समेत बिक्री शुरु भएको डल्फिनले उक्त क्र्यास टेष्ट अन्तर्गत एडल्ट अकुपेन्ट प्रोटेक्सनमा ८९ र चाइल्ड अकुपेन्टमा ८६ प्रतिशत स्कोर हात पारेको थियो । बीवाइडीका इलेक्ट्रिक कार पछिल्लो समय अष्ट्रेलियामा निकै लोकप्रिय वनिरहेका छन् ।

बीवाइडीको ईभी डेडिकेटेड प्लेटफर्म ई–३.० मा निर्माण भएको डल्फिनमा ४४.९ किलोवाट आवरको ब्लेड ब्याट्री र ७० किलोवाट क्षमताको मोटर जडान गरिएको छ । सो ब्याट्रीलाई एकपटक फुल चार्ज गर्दा ३४० किलोमिटर रेन्ज दिने कम्पनीले दावी गरेको छ । डल्फिनको शुरुवाती मूल्य नेपाली बजारमा ३९ लाख ८० हजार रुपैयाँ निर्धारण गरिएको छ ।

सेफ्टि फिचर अन्तर्गत यसमा ६ वटा एयर ब्याग, इन्टेलिजेन्ट पावर ब्रेक सिस्टम, एवीएस, इलेक्टोनिक स्ट्याविलिटी कन्ट्रोल(ईएससी), टायर प्रेसर मोनिटरिङ सिस्टम(टिपीएमएस), इलेक्ट्रिक पार्किङ ब्रेक सिस्टम(ईपीबी), ट्रयाक्सन कन्ट्रोल सिस्टम(टिसीएस), इलेक्ट्रोनिक ब्रेक फोर्स डिस्ट्रिब्यूसन(ईबीडी), अगाडी २ वटा र पछाडी ३ वटा राडर, अटो होल्ड, एडप्टिभ फ्रन्ट लाइट, अटोमेटिक इमर्जेन्सि ब्रेकिङ सिस्टम(एईबी), लेन डिपार्चर वार्निङ, एडप्टिभ क्रुज कन्ट्रोल, रियर कोलिजन वार्निङ र ब्लाइन्ड स्पोट डिटेक्सन लगायत पाउन सकिन्छ ।