यस्तो छ विवाइडीको व्लेड व्याट्री जडान भएको टोयोटाको नयाँ इलेक्ट्रिक कार विजेड ३

जापनिज अटो निर्माता टोयोटाले हालसालै नयाँ इलेक्ट्रिक कार विजेड ३ सार्वजनिक गरेको छ । विश्वको सवैभन्दा ठूलो कार उत्पादक कम्पनी टोयोटाले चीनमा सार्वजनिक गरेको यो कारमा विवाडीले उत्पादन गरेको व्लेड व्याट्री प्रयोग गरिएको छ ।

यो नयाँ इलेक्ट्रिक सेडान स्ट्यान्डर्ड र लङ रेन्ज भेरियन्टमा सार्वजनिक गरिएको हो । जसमध्ये स्ट्यान्डर्ड भेरियन्टमा ५० किलोवाट आवर क्षमताको व्याट्री प्याक जडान गरिएको छ भने लङ रेन्जमा ६५ किलोवाट आवर क्षमताको व्याट्री दिइएको छ । यसैगरी यी दुई भेरिएन्टमा क्रमश १३५ र १८० किलोवाट क्षमताको मोटर जडान गरिएको छ । जसको रेन्ज क्रमश ५ सय र ६ सय किलोमिटर भन्दा माथी रहने दावी गरिएको छ ।

टोयोटाको यो नयाँ कारले अन्तराष्ट्रिय बजारमा टेस्ला मोडल ३ संग प्रतिस्पर्धा गर्ने जनाइएको छ । यो नयाँ कार सवैभन्दा पहिले चीनमा लन्च गरिने कम्पनीको भनाई छ । जसको मूल्य ३० हजार डलर हाराहारी पर्ने आँकलन गरिएको छ ।टोयोटाले यसअघि नै पहिलो इलेक्ट्रिक कारका रुपमा विजेड ४ एक्सलाई बजारमा उतारिसकेको छ ।