ग्लोबल प्योर इलेक्ट्रिक भेइकलमा लिडर बन्दै बीवाईडी, ४ लाख युनिटले पछि प-यो टेस्ला

चिनियाँ सवारी साधन निर्माता कम्पनी बीवाईडीले ग्लोबल प्योर इलेक्ट्रिक भेइकल बजारमा टेस्लालाई उछिनेको छ । सन् २०२५ को तेस्रो क्वार्टरमा बीवाईडीले सो लिड गरेको हो ।

अटोमोटिभ ब्लगर टङकुई सोचाङले संकलन गरेको तथ्यांक अनुसार तेस्रो क्वाटर सम्म बीवाईडीले १६ लाख सवारी साधन बिक्री गरेको छ भने टेस्लाले १२ लाख युनिट मात्र बिक्री गर्न सफल भएको छ । यस अनुसार बीवाईडीले टेस्ला भन्दा लगभग ३ लाख ८८ हजार प्योर इलेक्ट्रिक सवारी साधन बिक्री गरेको छ ।

तेस्रो क्वाटर अवधिमा बीवाईडीले ५ लाख ८२ हजार सवारी साधन डेलिभरी गरेको छ भने टेस्लाले ४ लाख ९७ हजार डेलिभरी गरेको छ । यो अवधिमा टेस्लाको डेलिभरीमा भने गत वर्षको तुलना यही क्वाटरको तुलनामा ४ प्रतिशत कमी आएको छ र वार्षिक हिसावमा भने ३१.४ प्रतिशत बढेको छ । टेस्लाको भने क्रमशः २९.४ प्रतिशत र ७.४ प्रतिशत बढेको छ ।

सन् २०२४ को चौथो क्वाटरमा दोस्रो पटक टेस्लालाई जिते पश्चात बीवाईडीले चार क्वाटर सम्म लिड गरिरहेको छ । मार्केट रिसर्च फर्म काउन्टप्वाइन्ट रिसर्च प्रोजेक्टका अनुसार बीवाईडीले ग्लोबल प्योर इलेक्ट्रिक भेइकल बिक्रीमा १५.७ प्रतिशत मार्केट सेयरका साथ २०२५ समापन गर्नेछ ।

यस अनुसार बीवाईडी ईभी उद्योगमा अग्रस्थानमा रहने छ ।