ग्रीन एनक्यापको टेष्टमा बीवाइडी एट्टो३ ले पायो ५ स्टार रेटिङ

ग्रीन एनक्यापले यूरोपमा गरेको टेष्टमा बीवाइडी एट्टो३ ले ५ स्टार रेटिङ पाएको छ । ग्रीन एनक्यापले ईभीबाट बातवरण प्रदुषणमा पारेको प्रभाव, दिगोपन र इनर्जी किफायतीमा पु-याएको योगदान जस्ता विषयमा अध्यायन गरेर यस्ता सवारीसाधनलाई रेटिङ दिने गर्छ ।

माइनस ७ डिग्री सेल्सियस ल्याबमा टेष्ट गर्दा एट्टो३ ले निकै राम्रो पर्फमेन्स देखाएको सो एजेन्सिले जनाएको छ । यसरी परिक्षण गर्दा सो एसयूभीलाई १०० किलोमिटर गुड्न २५.१ किलोवाट अवार इनर्जी आवश्क पर्ने देखाएको थियो । जहाँ यसको हिटिङ सिस्टम एकदमै राम्रो तवरबाट डिजाइन गरिएको प्रमाणित भएको थियो ।

एट्टो३ ले क्लिन एयर इन्डेक्समा १० अंकमा मा १० नै पाएको छ भने इनर्जी इफिसेन्सि टेष्टमा १० मा ९.५ र ग्रीनहाउस ग्यास इन्डेक्समा ९.७ अंक पाएको छ । यसैगरी इनर्जी इफिसेन्सि टेष्ट अन्तर्गत कोल्ड र वार्म टेष्टमा १० मा १० अंक नै पाएको छ भने हाइवे टेष्टमा १० मा ८.८ र कोल्ड एम्विएन्ट टेष्टमा ९.३ अंक प्राप्त गरेको छ ।

ग्रीन एनक्यापले ६० किलोवाट आवरको ब्याट्री प्याक, १५० किलोवाट क्षमताको मोटर, १७५० किलोग्राम तौल र हीट पम्प भएको यूरो स्पेक एट्टो३ लाई टेष्ट गरेको गरेको हो । नेपाली बजारमा समेत निकै नै लोकप्रिय वनिरहेको एट्टो३ १५० किलोवाट र ९९ किलोवाट मोटर क्षमतामा उपलब्ध छ ।