अन द वे देखियो बीवाईडी एट्टो३, शनिबार लन्च हुने

काठमाडौं – शनिबार नेपाली बजारमा लन्च गर्ने तयारी भइरहेको चिनियाँ कम्पनी बीवाईडीको नयाँ इलेक्ट्रिक कार एट्टो३ नेपालका लागि प्रस्थान गरेको छ । सो कार केरुङ नाका हुँदै नेपाल आउने सडकमा देखिएको छ ।

नेपालका लागि बीवाईडीको आधिकारिक वितरक साइमेक्स इंकले शनिबार सो कार लन्च गर्ने बताएको छ ।

बीवाईडी एटो ३ चीन र अन्तर्राष्ट्रिय बजारमा बीवाईडी युआन प्लस वा एस२ को नामले बिक्री भइरहेको छ । यो ५०.१ र ६०.४ किलोवाट आवर गरी दुई ब्याट्री अप्सनमा उपलब्ध रहँदै आएपनि नेपालमा भने ठूलो ब्याट्री प्याक भएको मोडल आउने बताइएको छ । यो कारमा पछिल्लो सयम अन्तर्राष्ट्रिय रुपमै लोकप्रिय बन्दै गएको ब्लेड व्याट्री जडान गरिएको छ । यसले २०० एचपी पावर र ३१० एनएम टर्क जेनेरेट गर्ने क्षमता राख्छ । ८० किलोवाटको फास्ट चार्जरले यसको ब्याट्रीलाई करिव ४५ मिनेटमै फुल चार्ज गर्न सकिन्छ । यसले सिंगल चार्जमा ४२० किलोमिटर सम्मको रेन्ज दिने दाबी गरिएको छ ।

यसको मूल्य नेपाली बजारमा ९० लाख रुपैयाँको हाराहारी पर्ने अनुमान गरिएको छ ।