बीवाईडी एट्टो ३ इलेक्ट्रिक एसयूभी छिट्टै भारतमा लन्च हुने

इलेक्ट्रिक सवारी निर्माता कम्पनी बीवाईडीले एट्टो ३ इलेक्ट्रिक एसयूभी भारतमा लन्च गर्ने भएको छ ।

कम्पनीले २०२३ अटो एक्सपोमा बीवाईडी एट्टो३ एसयूभी सार्वजनिक गर्नेछ । जहाँ कम्पनीले सेडान, ह्याचब्याक र एसयूभी लगायतका विभिन्न सिरिज सार्वजनिक गर्नेछ ।

कम्पनीले आफ्नो उत्पादन बढाउनका लागि यस वर्षको अन्त्यसम्ममा करिब १०० जना कर्मचारीलाई काममा लगाउनेछ । जबकि बीवाईडीले आगामी २ वर्षमा १० हजार इलेक्ट्रिक सवारी साधन बिक्री गर्ने लक्ष्यसहित आफ्नो डिलर नेटवर्क विस्तार गर्नेछ । हाल यसको भारतमा १२ सहरमा १२ डिलर छन् । आगामी ६ महिनामा यो संख्या १८ सहरमा २४ आउटलेटमा पु¥याउने र माग अनुसार थप आउटलेट खोल्न सकिनेछ ।

बीवाईडी एट्टोे ३ अन्तर्राष्ट्रिय बजारमा बिक्री भइरहेको छ । यसमा स्लिक हेडल्याम्प, क्लोज–अफ ग्रिल, अलोय ह्विल, क्रोम–लाइन्ड विन्डोज, स्लोपिङ रुफलाइन र कनेक्टेड टेलल्याम्प सहितको फिचर रहेको छ । साथै प्यानोरामिक सनरुफ, इलेक्ट्रिक अनलक टेलगेट, रूफरेल र एडजस्टेबल मिरर समावेश छ ।

बीवाईडी एट्टो ३ को इन्टेरियर प्रिमियम छ र १२.८ इन्चको टचस्क्रिन इन्फोटेनमेन्ट सिस्टम, ५ इन्चको डिजिटल इन्स्ट्रयुमेन्ट प्यानल, इलेक्ट्रिक पावर असिस्टेड स्टेयरिङ ह्विल, ८ स्पिकरसहितको प्रिमियम डिराक एचडी अडियो सिस्टम, यूएसबी पोर्ट, सिन्थेटिक लेदर सिट र भ्वाइस कमान्ड जस्ता फिचर रहेको छ ।

यसमा अटोमेटिक इमर्जेन्सी ब्रेकिङ सिस्टम, एडाप्टिभ क्रुज कन्ट्रोल, ब्लाइन्ड स्पट मोनिटरिङ, लेन किप असिस्ट, लेन डिपार्चर अलर्ट, रियर क्रस ट्राफिक अलर्ट र रियर क्रस ट्राफिक ब्रेक आदि जस्ता फिचर पनि प्रदान गरिएको छ । सेफ्टीका लागि एयरब्याग, टायर प्रेसर मोनिटरिङ सिस्टम, इलेक्ट्रोनिक स्ट्याबिलिटी प्रोग्राम, ट्रयाक्सन कन्ट्रोल सिस्टम र हिल डिसेन्ट कन्ट्रोल समावेश छ ।

सो एसयूभीमा पावरट्रेनको लागि ४९.९२ वा ६०.४८ केडब्ल्युएच ब्याट्रीले सुसज्जित छ र यसले २०४ पीएस पावर र ३१० एनएम टर्क जेनेरेट गर्छ । कम्पनीका अनुसार ६०.४८ केडब्ल्युएच ब्याट्री प्याक भएको यो इलेक्ट्रिक एसयूभीले एक पटक चार्जमा ४८० किलोमिटरको रेन्ज दिन्छ जसले ७.३ सेकेन्डमा ० देखि १०० किलोमिटर प्रतिघण्टाको गति लिन सक्छ ।

बीवाईडी एट्टो ३ नेपाली बजारमा पनि लन्च हुने क्रममा रहेको छ । नेपालका लागि बीवाईडीको आधिकारिक वितरक साइमेक्स इंकले पहिले नै सो कार लन्च गर्ने योजना बनाए पनि विभिन्न कारणले रोकिदै आएको छ ।