ब्राजिलका राष्ट्रपति वने बीवाईडीको १ करोड ४० लाखौं कारको मालिक

बीवाईडीले आफ्नो १ करोड ४० लाखौं न्यू इनर्जी भेइकल ब्राजिलस्थित प्लान्टमा उत्पादन गरेको छ । ब्राजिलका राष्ट्रपति लुइज इनासियो लुला दा सिल्भा, उपराष्ट्रपति गेराल्डो अल्कमिन, चिनियाँ राजदूत झु क्विङकिया र बीवाईडीका अध्यक्ष वाङ चुआनफु उपस्थित एक विशेष समारोहविच उक्त माइलस्टोन पुरा भएको घोषणा गरिएको हो ।

बीवाईडीको १ करोड ४० लाखौं कार सङ प्रो हाइब्रिड मोडल रहेको र यसलाई एक विशेष समारोहविच राष्ट्रपति लुलाको नाममा दर्ता गरिएको थियो, जसले गर्दा उनी यसको मालिक बनेका थिए ।

चिनियाँ मिडियाबाट प्राप्त जानकारी अनुसार, लुलालाई डेलिभर गरिएको गाडी बीवाईडीको पहिलो ‘सुपर–फ्लेक्सिवल’ हाइब्रिड मोडेल हो, जुन दक्षिण अमेरिकी बजारको लागि तयार पारिएको छ । यसमा बीवाईडीको नवीनतम हाइब्रिड प्रविधि रहेको छ, जुन स्थानीय ड्राइभिङ र इन्धन अवस्थाहरूको लागि इन्धन दक्षता र प्रदर्शन दुवैलाई अनुकूलन हुनेगरी डिजाइन गरिएको हो ।

कार्यक्रममा बोल्दै बीवाईडीका अध्यक्ष वाङ चुआनफुले बीवाईडी गित ११ वर्षदेखी ब्राजिलमा रहँदै आएको र हाल १ लाख ७० हजार भन्दा बढी स्थानीय ग्राहकहरूलाई सेवा दिइरहेको बताए । कम्पनीले लगातार दुई वर्षदेखि ब्राजिलको न्यू इनर्जी भेइकल बजारको नेतृत्व गर्दै आएको छ ।

बीवाईडीका लागि निकै नै महत्वपूर्ण बजार बन्दै गरेको ब्राजिलमा कम्पनीले विद्युतीय बस निर्माण, यात्रुवाहक सवारी साधन उत्पादन र ब्याट्री एसेम्बली परियोजनालाई एकसाथ अघि बढाएको छ ।