दशैंका लागि सुपर सोको टिएस स्ट्रिट हन्टरको वुकिङ खुल्ला, मूल्य ४ लाख ८० हजारसम्म

इलेक्ट्रिक टु ह्विलर सुपर सोको व्रान्डको नेपालका लागि आधिकारिक वितरक डि लाइफ स्टाइलले असोज महिनाका लागि टिएस स्ट्रिट हन्टरको वुकिङ खुल्ला गरेको छ । यो मोटरसाइकल सिंगल र डवल व्याट्री अप्सनमा उपलब्ध रहेको कम्पनी स्रोतले बताएको छ ।

सको मूल्य सिंगल व्याट्रीलाई ३ लाख ८० हजार र डवल व्याट्रीलाई ४ लाख ८० हजार रुपैयाँ पर्नेछ । यो मोटरसाइकललाई कम्पनीले सिमित संख्यामा आयत गरी कारोवार गर्दै आइरहेको छ । हाल वुकिङ लिने ग्राहकले असोज महिनाको पहिलो हप्तामा मोटरसाइकल हात पार्न सक्ने बताइएको छ । यो मोटरसाइकललाई ग्राहकले शुरुमा २० प्रतिशत रकम डाउनपेमेन्ट गरी वाँकी रकमलाई किस्तावन्दि योजनामा भुक्तानी गर्ने गरी समेत लिन सक्नेछन् ।

टिएस स्ट्रिट हन्टरमा ६० भोल्ट २६ एम्पियर आवर क्षमताको लिथियम आयोन व्याट्री र ३ हजार ५ सय वाटको वोस्क मोटर जडान गरिएको छ । जसमध्ये सिंगल व्याट्रीले १ सय र डवल व्याट्रीले २ सय किलोमिटर रेन्ज प्रदान गर्ने दावी गरिएको छ । व्याट्रीलाई फुल चार्ज गर्न ३ देखी ३.५ घन्टा सम्मको समय लाग्नेछ ।

आकर्षक लुक्स तथा आधुनिक डिजाइनमा तयार पारिएको यो मोटरसाइकलमा रेसिङ स्तरको विशेष फ्रेम प्रयोग गरिएको छ । वाइकमा एलइडी लाइट, एलसिडी डिजिटल डिस्प्ले, स्मार्ट रिमोट की तथा एन्टिथेफ्ट अलार्म, ठूलो आकारको वुट स्पेस, आरामदायी सिट र इन्टेलिजेन्ट लाइट सेन्सिङ टेक्नोलोजी जस्ता फिचर्स समावेश गरिएको छ ।

मोटरसाइकलको दुवै चक्कामा कम्वी व्रेकिङ विशेषता सहितको डिस्क व्रेक जडान गरिएको छ । १८० एनएम टर्क जेनेरेट गर्न सक्ने यो इलेक्ट्रिक वाइकलाई प्रतिघन्टा ७५ किलोमिटरसम्मको गतिमा हाँक्न सकिने वताइएको छ । यो मोटरसाइकललाई कम्पनीले असोज ६ देखी अयोजना हुने नाडा इभी एक्सपोसमा समेत शोकेस गर्ने जनाएको छ ।