प्रोटोन ईमास५ को बुकिङ खुला, विशेष मूल्यमा खरिद गर्न पाइने

काठमाडौँ–मलेसियन ब्रान्ड प्रोटोनले नेपालमा लन्च गर्ने तयारी गरेको नयाँ विद्युतीय कार ईमास५ को बुकिङ खुला भएको छ । प्रोटोनको नेपालका लागि आधिकारिक वितरक जगदम्बा मोटर्स प्रालिले ईमास५ को बुकिङ खुला गरिएको जानकारी दिएको हो । अहिले बुकिङ लिने ग्राहकले विशेष मुल्यमा ईमास५ खरिद गर्न सक्ने जनाइएको छ ।

यो गाडी आफ्नो सेग्मेन्टमा नेपालकै पहिलो रियर–ह्विल–ड्राइभ कम्प्याक्ट इलेक्ट्रिक एसयूभी हुने कम्पनीले जनाएको छ । कम्पनीका अनुसार प्रविधिमैत्री, उच्च कार्यसम्पादन गर्ने र वातावरणमैत्री सवारीप्रति उपभोक्ताको आकर्षण बढिरहेका बेला यो गाडीलाई उत्कृष्ट ड्राइभिङ अनुभव प्रदान गर्ने गरी विकास गरिएको हो ।

विशेष रूपमा रियर–ह्विल–ड्राइभ प्लेटफर्ममा आधारित यस गाडीमा सन्तुलित तौल वितरण, उत्कृष्ट ड्राइभिङ क्षमता, उच्च स्थायित्व तथा सहज नियन्त्रणको सुविधा रहेको छ ।

यी विशेषताहरूले गर्दा व्यस्त सहरी सडक, राजमार्गदेखि नेपालको पहाडी बाटो ओरालो–उकालोमा समेत सुरक्षित र सहज यात्रा सुनिश्चित गर्ने कम्पनीको विश्वास छ । यसले दैनिक प्रयोग, सुरक्षा र सहजतालाई समान प्राथमिकता दिएको छ ।

प्रोटोन ईमास५ को आगमनले अत्याधुनिक प्रविधि, उत्कृष्ट गुणस्तर र उच्च मूल्य–प्रतिफल प्रदान गर्ने विश्वस्तरीय विद्युतीय सवारी नेपाली बजारमा उपलब्ध गराउने जगदम्बा मोटर्सको दीर्घकालीन दृष्टिलाई थप मजबुत बनाउने विश्वास गरिएको छ ।

ईभी पारखीहरूका लागि प्रतिक्षित बनेको यस गाडीको विस्तृत प्राविधिक विवरण, मुख्य विशेषता र मूल्यबारे म्पूर्ण जानकारी आगामी केही साताभित्रै सार्वजनिक गरिने कम्पनीले उल्लेख गरेको छ ।