बीएमडब्ल्युले टीभीएससँगको सहकार्यमा इलेक्ट्रिक बाइक लन्च गर्ने

बीएमडब्ल्युले टीभीएससँगको सहकार्यमा इलेक्ट्रिक बाइक निर्माण गर्ने योजना बनाइरहेको छ । कम्पनीका संयुक्त प्रबन्ध निर्देशक एम. सुदर्शन वेणुले टीभीएससँग साझेदारीमा विश्वव्यापी बजारका लागि इलेक्ट्रिक बाइक विकास गर्ने जानकारी दिएका छन् ।

यो साझेदारीमा जर्मन मोटरसाइकल ब्रान्डबाट यसको इन्जिनियरिङ र डिजाइन क्षमता प्रयोग गर्नुका साथै टीभीएसको कम लागतको उत्पादन र आपूर्ति क्षमताको लाभ उठाउनेछ । बीएमडब्ल्युले अमेरिका र युरोपेली बजारमा इलेक्ट्रिक स्कुटर बेच्न सुरु गरिसकेको छ ।

बीएमडब्ल्युका उपाध्यक्ष स्टिफन रिफले युरोपमा बीएमडब्ल्यु कम्पनीको ई–स्कुटर लन्च गरेको र सोचेभन्दा धेरै माग भएको जानकारी दिएका छन् । सो सफल साझेदारीले ईभीएस र अन्य नयाँ प्लेटफर्म विस्तार गर्नाले अवसरहरू सिर्जना गर्नेछ ।

यसैबीच बीएमडब्ल्यु मोटरराइड इन्डियाले नयाँ जी ३१० आरआर लन्च गरेर आफ्नो पोर्टफोलियो अपडेट गरेको छ । अल न्यु बीएमडब्ल्यु जी ३१० आरआर टीभीएस मोटर कम्पनी बीएमडब्ल्यु अन्तर्गत विकास गर्ने चौथो उत्पादन हो । यस साझेदारी अन्तर्गतका अपाचे आरआर ३१०, बीएमडब्ल्यु जी ३१० आर र जी ३१० जीएस गरी ३ बाइक बजारमा उपलब्ध छन् ।