सिंगल चार्जमा ५२२ किमी रेन्ज दिने बीवाईडी ई६ का यस्ता छन् फरक विशेषता

काठमाडौं – नेपाली बजारमा विभिन्न प्रकारका इलेक्ट्रिक कार भए पनि बीवाईडी ई६ को फरक पहिचान छ । विश्व प्रसिद्ध इलेक्ट्रिक कार निर्माता कम्पनी बीवाईडीका विभिन्न मोडलका गाडी नेपाली बजारमा उपलब्ध भइरहेकोमा गत फेस्टिभ सिजनमा भित्रिएको बीवाईडी ई६ हाल धेरैका लागि आकर्षण बनेको छ ।

बीवाईडी ई६ ले सिंगल चार्जमा ५२२ किलोमिटरको रेन्ज दिने कम्पनीको भनाइ छ । पहिले पनि यो कार नेपाली बजारमा उपलब्ध भइरहेकोमा फेस्टिभ सिजन पश्चात अझै सुधारिएको नयाँ बीवाईडी ई६ नेपाली बजारमा उपलब्ध भएको हो ।

नयाँ डिजाइन, नयाँ इन्टेरियर, नयाँ इन्फोटेनेमन्ट सिस्टम, नयाँ ब्लेड ब्याट्री र प्रशस्तै बुट स्पेस यो कारका प्रमुख विशेषता हुन् ।

अल न्यु ई६ मा बीवाईडीले नै विकास गरेको नयाँ प्रविधिको ब्लेड ब्याट्री प्रयोग गरिएको छ । यसमा भएको ७१.७ किलोवाट आवरको ब्याट्रीलाई १ घण्टा ३० मिनेटमै फुल चार्ज गर्न सकिन्छ । यसमा ९० किलोवाटको मोटर छ ।

यो कार एलईडी डे टाइम रनिङ लाइट र एलईडी रियर कम्बिनेसन ल्याम्पले सुसज्जित छ । यसको इन्टेरियर लेदर सिट र ६–वे एड्जस्टेबल ड्राइभर र फ्रन्ट प्यासेन्जर सिट सहित उपलब्ध छ ।

त्यसैगरी यसमा ब्लुटुथ कनेक्टिभिटी सहितको १०.१ इन्चको रोटेटेबल टचस्क्रिन इन्फोटेनमेन्ट सिस्टम छ । त्यसैगरी यसमा भएको ५८० लिटरको बुट स्पेसमा ४ ठूला सुटकेश र १ सानो सुटकेश राख्न मिल्ने स्थान छ ।

बीवाईडी ई६ मा १०।१ इन्चको मल्टिमिडिया कारप्याड, एसी तथा डीसी फास्ट चार्जिङ, १७५ एमएम ग्राउन्ड क्लियरेन्स र ५८० एमएल स्पेसियस ट्रंक रहेको छ ।

इलेक्ट्रिक गाडीका लागि विभिन्न बैंकहरुले ८० प्रतिशत सम्म फाइनान्स सुविधा उपलब्ध गराउने गरेका छन् । त्यसैले शुरुमा २० प्रतिशत रकम मात्र डाउन पेमेन्ट गरेर यसलाई आफ्नै गाडी बनाउन पनि सकिन्छ ।

बीवाईडी अल न्यु ई६ मा ८ वर्ष वा ५ लाख किलोमिटर गुड्दा सम्म ब्याट्री वारेन्टी उपलब्ध हुने साइमेक्स इंकले जनाएको छ ।

नेपाली बजारमा अल न्यु बीवाईडी ई६ को मूल्य ५७ लाख ५० हजार रुपैयाँ तोकिएको छ । यसमा ७ किलोवाट आवरको होम चार्जर समेत उपलब्ध हुन्छ ।