उत्कृष्ट डिजाइन अवार्ड जित्ने इलेक्ट्रिक बाइक

ब्रिटिश कम्पनी ज्याप इलेक्ट्रिक भेइकलको इलेक्ट्रिक सिटी बाइक ज्याप आई३०० ले २०२३ जर्मन डिजाइन अवार्ड जितेको छ । सो बाइकको विशेषता भनेको यसको जेड शेप्ड डिजाइन हो ।

सो बाइक एक्सिलेन्ट प्रोडक्ट डिजाइनमा उत्कृष्ट प्रोडक्टमा छानिएको हो । ज्याप आई३०० डिजाइन र टेक्नोलोजी दुबैमा उत्कृष्ट ठहरिएको थियो । यसमा पावरफुल इलेक्ट्रिक मोटर पनि समावेश गरिएको छ ।

आई३०० मा अल्ट्रा पोर्टेबल डबल ब्याट्री जडान गरिएको छ । प्रत्येक ब्याट्रीको तौल ६ किलोग्राम छ । यसलाई २२० भोल्टेज वा ११० भोल्टेजको मदतले ४० मिनेटमा २० देखि ८० प्रतिशतसम्म चार्ज गर्न सकिन्छ । सो बाइक २.३ सेकेन्डमा ४८ किलोमिटर प्रति घन्टाको स्पिड लिने क्षमता रहेको छ । सिंगल चार्जमा यसको रेन्ज ९० किलोमिटरसम्म छ ।