नाडा अटो शोको आकर्षण बन्ने छ बेनेली इम्पेरियल ४००

काठमाडौं – बेनेलीको नेपालका लागि आधिकारिक वितरक केटीएम इन्टरनेसनल ट्रेडिङले क्लासिक टेस्ट सहितको रेट्रो क्लासिक डिजाइनमा रहेको बेनेली इम्पेरियल ४०० नेपाली बजारमा उपलब्ध गराउने भएको छ । आगामी भदौमा हुने नाडा अटो शो सम्म सो मोटरसाइकल नेपाल आइपुग्ने कम्पनी स्रोतले बताएको छ ।

बेनेली इम्पेरियलमा भएको ३७४ सीसीको इन्जिनले ६००० आरपीएममा २१ पीएस पावर र ३५०० आरपीएममा २९ एनएम टर्क जेनेरेट गर्छ । यसमा भएको क्रोम इन्सर्टले यसको भिन्टेज स्टाइललाई थप मजबुत बनाएको छ । राउन्ड हेडलाइट र टियरड्रप ट्यांकले यसको महत्वलाई अझै उजागर गरेको छ ।

यसमा भएको टु–पिस्टन फ्लोटिङ क्यालिपर सहितको ३०० एमएम डिस्क ब्रेक र सिंगल पिस्टन क्यालिपर सहितको २४० एमएम डिस्क ब्रेकले ब्रेकिङ सिस्टमलाई ब्यालेन्समा राख्न सहयोग गर्छ । यसमा भएको स्पोक्ड रिम र एलसीडी क्लस्टरले यसको फरक पहिचान कायम गरेको छ ।

१२ लिटरको इन्धन ट्यांकी, १६५ एमएम ग्राउन्ड क्लियरेन्स, १४४० एमएम ह्विलबेस र २०५ किलोग्राम तौलले यो मोटरसाइकलको विशेषता दर्शाउछ ।

ड्युअल च्यानल एबीएस भएको यो मोटरसाइकल ३ कलर भेरिएन्टमा उपलब्ध हुनेछ । नेपाली बजारमा उपलब्ध भएमा यसले रोयल इन्फिल्ड क्लासिक ३५० सँग प्रतिस्पर्धा गर्नेछ ।