विराटनगरमा बेनेली : धेरैको रोजाइमा १५० सीसीका बाइक

विराटनगर – विराटनगरमा बेनेली बाइकको आधिकारिक डिलरको रुपमा स्पार्क एमपीले कार्य गरिरहेको छ । नेपालका लागि आधिकारिक वितरक केटीएम इन्टरनेसनल ट्रेडिङको डिलरको रुपमा स्पार्क एनपीले कार्य गरेको करिव १५ महिना पुगेको छ ।

पहिले १५० देखि ७०० सीसी सम्मका बेनेली बाइक बिक्रीका लागि उपलब्ध भएकोमा हाल टप लेवलका बाइक उपलब्ध छैनन् । हाल १५० देखि २५० सीसी सम्मका बाइक बिक्रीका लागि उपलब्ध भएको स्पार्क एमपीकी सेल्स म्यानेजर दीपा कुन्डुले बताइन् ।

विराटनगरमा पहिले बेनेली ७०२एस लगायतका हेभी बाइक समेत बिक्री भएका छन् । थोरै मात्र ग्राहकको रोजाइमा पर्ने यस्ता हेभी बाइक पछिल्लो समयमा भने सरकारी नीतिका कारण नेपाल भित्रिन सकेका छैनन् ।

विराटनगरमा धेरै बिक्री हुने मोडल टीएनटी १५ र टीएनटी १५० आई हुन् । अन्तर्राष्ट्रिय रुपमा प्रचलित बेनेली ब्रान्डको १५० सीसीको टीएनटी १५ मोटरसाइकल २ लाख ६५ हजार मूल्यमै पाउनु अन्य ब्रान्डको तुलनामा सस्तो भएको उनी बताउछिन् ।

इटहरी, धरान आदि स्थानमा हेभी सीसीका बाइक धेरै रुचाइने भए पनि विराटनगरमा भने यस्ता हेभी बाइक अलि कमै रुचाइने गरेको पाइन्छ । सडक पनि त्यही अनुसारको आवश्यक पर्ने भएकाले विराटनगरमा सामान्यतः १५० देखि २५० सीसी सम्मका बाइक नै रुचाइन्छ ।

बेनेली १५० आईको मूल्य ३ लाख ८० हजार, १८० एसको साढे ४ लाख ५५ हजार रुपैयाँ छ । यसमा पनि कलर भेरिएन्ट अनुसार केही मूल्य फरक छ । नियोन कलरको मूल्य ४ लाख ६५ हजार छ । टीआरके २५० आईको ८ लाख २५ हजार छ । नेपाली बजारमा बिक्री भएको सबैभन्दा महंगो बेनेली बाइक ७५२एस हो । यसको मूल्य २५ लाख १५ हजार रुपैयाँ छ । नेपाली बजारमा उपलब्ध बेनेलीको स्कुटर प्यानेरिया १२५ को मूल्य ३ लाख ३५ हजार रुपैयाँ छ ।

सामान्य अवस्थामा क्यास, एक्सचेन्ज र फाइनान्स गरी तीन तरिकाबाट बाइक लिन सकिन्छ । नगदमा लिदा सिधै पैसा तिरेर केही छुट उपलब्ध हुन्छ भने फाइनान्सबाट गर्दा ५० प्रतिशत डाउन पेमेन्ट र बाँकी ५० प्रतिशत फाइनान्समार्फत तिर्न सकिन्छ । यसमा १५ प्रतिशत ब्याज लाग्छ ।

विराटनगरमा बेनेली नयाँ ब्रान्ड हो । ब्रान्ड पहिचानलाई फैलाउनका लागि भइरेको कार्य वारेमा सेल्स म्यानेजर दीपाले भनिन्, ‘यसको वारेमा ज्ञान भएकाले आफै आएर बाइक लिने गर्नुभएको छ । अन्य सबैका लागि हामीले विभिन्न स्थानमा टेस्ट राइड कार्यक्रम र अन्य गतिविधि गर्दै आएका छौ । विभिन्न प्रकारको क्याम्प गरेका छौ । शुरुमा धेरैलाई यसको वारेमा थाहा थिएन । अहिले भने सेल्समा सहज भएको छ ।’

बेनेलीको थ्रीएस अर्थात सेल्स, सर्भिस र स्पेयर पार्ट्स सबै एकै स्थानमा उपलब्ध छ । विराटनगरमार्फत नै इटहरी र धरान सम्मका ग्राहक आउने गरेको उनको भनाइ छ ।

दसै फिएस्टा अफर
दसैं, तिहार र छठ पर्वको अवसरमा केटीएम इन्टरनेसनलले दसैं फिएस्टा अफर ल्याएको छ । यस अन्तर्गत मोटरसाइकल किन्नु भन्दा पहिले, किन्दा र किने पछि गरी तीन पटक सम्म छुट र विभिन्न अफर प्राप्त गर्न सकिने छ ।

पहिलो ई–डिस्काउन्ट अन्तर्गत मोटरसाइकल किन्नु भन्दा पहिले नै घरैबाट समेत क्युआर कोड स्क्यान गर्न सकिन्छ । मोटरसाइकल किन्न चाहने वा नचाहनेले समेत क्युआर कोड स्क्यान गर्न सक्छन् । बेनेलीको सोरुममै पुगेर पनि स्क्यान गर्न
सकिन्छ । यसरी स्क्यान गर्दा १ लाख रुपैयाँ सम्म जित्ने अवसर प्राप्त हुनेछ ।

त्यसैगरी मोटरसाइकल किन्ने निश्चित भइसके पछि वाक इन डिस्काउन्ट अफर प्राप्त हुनेछ । ग्राहकलाई स्क्र्याच कार्ड प्रदान गरिने छ र सो कार्डबाट समेत १ लाख रुपैयाँ सम्म जित्न सकिने छ ।

त्यसैगरी मोटरसाइकल किनिसके पछि ग्राहकलाई ५ हजार रुपैयाँ सम्मको अमेजिङ हेल्मेट र अन्य विभिन्न गिफ्ट प्रदान गरिने छ ।