बेनेली एड्भेन्चर राइड ‘नक्साल टु सकुटे’ सम्पन्न

बेनेलीले एड्भेन्चर राइड ‘नक्साल टु सकुटे’ सम्पन्न गरेको छ । राइड काठमाडौंको नक्सालस्थित शोरुबाट शुरु भएको थियो । शुक्रबार दिउँसो नक्सालबाट हिडेका राइडरले उक्त रात सुकुटेस्थित स्यान्डी बिच रिसोर्टमा बिताएका थिए । उनीहरु शनिबार काठमाडौं फर्किएका हुन् । सो राइडलाई बेनेली मोटरसाइकलको नेपालका लागि आधिकारिक बितरक केटिएम इन्टरनेश्नल ट्रेडिङले अयोजना गरेको हो ।

राइडमा टिआरके २५०, टिएनटी ३०२ र टिएनटी ६०० मोडलका बाइकमा सवार ४० भन्दा बढी राइडरले सहभागिता जनाएका थिए । आफूहरुले बेनेली मोटरसाइकलमा एड्भेन्चर राइडको फिल गर्न पाएको सहभागी राइडरले बताएका छन् । यस प्रकारको राइड आयोजना गर्दा राइडर र कम्पनीबचि भाइचाराको सम्बन्ध स्थापित हुने कम्पनीको भनाई छ । यस प्रकारको राइडलाई आगामी दिनमा समेत निरन्तरता दिँदै थप नयाँ गन्तब्यमा अयोजना गरिने कम्पनी स्रोतले बताएको छ ।

इटालियन ब्रान्ड बेनेलीको नेपालमा प्रिमियम, प्रिमियम प्लस र टुरर सेग्मेन्टका बाइक उपलब्ध रहँदै आएका छन् भने केही समयअघि भित्रिएको नयाँ स्कुटर प्यानेरा १२५ लोकप्रिय बनिरहेको छ । अत्याधुनिक फिचर्स, स्टाइलिस डिजाइन र बलियो तथा पावरफुल इन्जिनका कारण बेनेली बाइक बिश्वभर लोकप्रिय मानिन्छ ।