पाल्पाको रामपुरमा महिन्द्राले बिस्तार गर्यो सर्भिस र स्पेयर सहितको नयाँ नेटवर्क

महिन्द्रा प्यासेन्जर कार तथा पिकअपको नेपालका लागि आधिकारिक बितरक अग्नी ग्रुप अन्तर्गतको बालाजु अटो वक्र्सले पाल्पाको रामपुरमा सर्भिस र स्पेयर पार्टस सहितको नयाँ डिलर बिस्तार गरेको छ । रामपुर अटो भिलेजका नामले संचालनमा आएको यो सर्भिस सेन्टरले बालाजु अटो वक्र्सको बुटवलस्थित आधिकारिक डिलर लोक शुसिला अटो कन्सर्नको सब डिलरका रुपमा सर्भिस र स्पेयर पार्टस् उपलब्ध गराउने छ ।

हिजो लुम्विनी प्रदेशकी रोजगार तथा यातायात ब्यवस्था मन्त्रि पुरुमती ढेगा मगरको उपस्थितीमा एक कार्यक्रमको अयोजना गरी नयाँ सर्भिस सेन्टरको औपचारिक उद्घाटन गरिएको हो । कार्यक्रममा बालाजु अटो वक्र्सका प्रदेश प्रबन्धक बिजेश ग्वायामारुको समेत उपस्थिती रहेको थियो ।

यो नयाँ सर्भिस सेन्टरले पाल्पा आसपास क्षेत्रमा गुड्ने महिन्द्रा प्यासेन्जर कार र पिकअपलाई छिटो छरितो र प्रभावकारी तवरबाट सेवा दिने बिश्वास लिइएको छ । महिन्द्रा ब्रान्डको जेन्युइन स्पेयर पार्टस समेत उपलब्ध हुने यो वर्कशपमा दक्ष तथा अनुभबी टेक्निसियनको ब्यवस्था मिलाइएको बालाजु अटो वक्र्स स्रोतले जनाएको छ ।