८० प्रतिशतमै किन ईभी ब्याट्री चार्ज रोक्ने ? विश्वभर चल्दै अभियान (विज्ञको भनाइ सहित)

हाल नेपालमा नभए पनि मलेसिया लगायतका विभिन्न देशमा ‘स्टप चार्जिङ एट ८० परसेन्ट’ नामक अभियान नै चलेको छ । यस अनुसार ईभी चार्ज गर्दा अपनाइने गाइडलाइनको वारेमा समेत धेरैले चर्चा गर्न थालेका छन् ।

अहिले धेरै ईभीमा प्रयोग भएका ब्याट्रीको वारेमा जानकारी दिदा पनि ० देखि ८० प्रतिशत सम्म यति मिनेटमा चार्ज हुन्छ भनेर चर्चा गरिएको पाइन्छ । विशेषज्ञहरुका अनुसार धेरै इलेक्ट्रिक कार अर्थात ईभीलाई कम एसओसी अर्थात स्टेट अफ चार्ज ७० देखि ८० प्रतिशत सम्म गरेमा सबैभन्दा राम्रो चार्जिङ अवस्था हुने गरी निर्माण गरिएको हुन्छ । यो भन्दा माथिल्लो प्वाइन्टमा पुग्यो भने ब्याट्री म्यानेजमेन्ट सिस्टमले ब्याट्री बचाउनका लागि पावर खर्च गर्छ ।

यसको नतिजा चार्जिङ स्पिड तीव्र रुपमा घट्छ, चार्जका लागि प्लग गर्दा समय र पैसा धेरै लाग्ने हुन्छ भने डीसी चार्जरमा अनावश्यक रुपमा भीडभाड बढ्न सक्छ ।

यस अनुसार अर्को शब्दमा भन्दा अन्तिम २० प्रतिशत चार्जिङका लागि लाग्ने समय लगभग पहिले ६० प्रतिशतका लागि लागे बराबर नै हुन्छ । यसरी ८० प्रतिशतमै अनप्लग गर्दा सबैले समयमै चार्ज गर्न पाइन्छ भने भीडभाड कम हुनुका साथै लामो पखाई पनि हुँदैन ।

हाल विशेष गरी लामो दुरीको यात्रा गर्दा हाइवेमा हिड्नेहरुले फास्ट चार्ज गर्ने गरेको पाइन्छ । यो आजको दिनमा ब्याट्री टेक्नोलोजीमा भएको विकास हो । सामान्य भाषामा भन्दा यो अवस्थामा एकै पटक धेरै करेन्ट वा फ्लो बढाएर चार्ज हुने हो । हामीले हाइवेहरुमा हिड्दा चिया खाने समयमा समेत रोकेर गाडी चार्ज गरेर यात्रालाई निरन्तरता दिन सक्छौ । यद्यपि लामो समयका लागि भने फास्ट चार्ज गर्नु उपयुक्त नहुने विज्ञहरुको भनाइ छ ।

बेलायतको एसएससी पीएलसी अर्थात साउथ स्कर्ट्स इलेक्ट्रिक पब्लिक लिमिटेड कम्पनीमा ब्याट्री इनर्जी स्टोरेज सिस्टमको क्याटगोरी म्यानेजर र सब्जेक्ट म्यानेजर एक्सपर्टको रुपमा कार्यरत समिर अर्याल भन्छन्, ‘ओभर द लङ पिरियड गर्दा त्यो फास्ट चार्जरको एउटा ड्रप ब्याक के हो भने यसले जुन रेटमा इनर्जी फ्लो गर्छ, हाम्रो ब्याट्रीको लाइफ घटाउनमा पनि फेरि मद्दत गरिरहेको हुन्छ । त्यसले गर्दा इनकेस सकिन्छ भने र फिजिबल हुन्जेल चाहिँ हाम्रो होम चार्जरले नै चार्ज गर्नु राम्रो हुन्छ ।’

फास्ट चार्ज सधैका लागि उपयुक्त नहुने र कहिलेकाहिं मात्र यसको प्रयोग गर्नु उपयुक्त भएकैले हाल यसको वारेमा ग्राहक सचेतना जगाउने कार्यमा समेत कम्पनीहरु क्रियाशील रहेको पाइन्छ ।