तयार हुँदै बलेनो फेसलिफ्ट, पहिलो पटक परीक्षणमा देखियो

मारुती सुजुकीले छिट्टै बजारमा ल्याउने तयारी थालेको बलेनो परीक्षणका क्रममा देखा परेको छ । सो ह्याचब्याक कारलाई कम्पनीले कस्मेटिक रिफ्रेस गर्न लागेको हो ।

स्पाई तस्बिर अनुसार, यस कारमा शार्प फ्रन्ट फेसिया सहित अन्य अपडेटहरु प्राप्त हुनेछ । त्यसैगरी, आगामी बलेनोमा पुनः डिजाइन गरिएको फ्रन्ट ग्रिल र बम्परका साथै नयाँ एलईडी हेडल्याम्पहरू समावेश हुनेछन् ।

पछाडिको फेसियालाई परिवर्तन नगरी सुजुकीले पुरानै बुटलिड डिजाइनलाई निरन्तरता दिएको छ । स्पाई तस्बिरले भित्री भागलाई बाहिर नल्याएपनि कारको इन्टेरियरलाई रिफ्रेस गर्न ट्रिम र अपहोल्स्ट्री अपडेट गर्न सक्ने अुनमान गरिएको छ ।

नयाँ बलेनोमा पुरानै १.२ लिटर पेट्रोल इन्जिन उपलब्ध हुने अनुमान गरिएको छ । सुजुकीले यसमा १.० लिटर टर्बो पेट्रोल इन्जिन समेत जडान गर्न सक्ने अपेक्षा गरिएको छ ।