नयाँ इन्जिन र ग्राफिक्सका साथ बजाजको नयाँ बाइक नेपालमा, ‘पेट्रोल सुँघाए पुग्छ’

काठमाडौं – बजाजको नेपालका लागि आधिकारिक वितरक हंसराज हुलासचन्द एन्ड कम्पनीले बजाजको सबैभन्दा कम मूल्यको बाइक प्लाटिनाको नयाँ भर्सन उपलब्ध गराएको छ । राजधानीको भृकुटीमण्डपमा जारी बजाज ग्रान्ड एक्सचेन्ज कार्निभलमा सार्वजनिक गरिएको सो बाइकले अहिले धेरैको ध्यान तानेको देखिन्छ ।

कम्पनीले ‘पेट्रोल सुँघाए पुग्छ’ थिमका साथ सो बाइक प्रदर्शन गरिरहेको छ । यसमा भएको ११.५ लिटरको इन्धन ट▒ङकीमा रहेको पेट्रोल प्रयोग गर्दा ८ सय किलोमिटर भन्दा बढी दुरी पार गर्न सकिने भएकाले कम्पनीले सो थिम राखेको बताइएको छ । यस अनुसार एक लिटर पेट्रोलले करिव ७० लिटर भन्दा बढी माइलेज दिन्छ । हाल पेट्रोलियम पदार्थको मूल्य धेरै भएको समयमा यो उपयुक्त बाइक हुन सक्छ ।

नेपाली बजारमा बजाज प्लाटिना १०० ईएस पहिले देखि नै उपलब्ध थियो । अहिले भने यसको इन्जिन र ग्राफिक्स लगायत अन्य केही परिवर्तन भएर आएको छ ।
यसमा पहिले कार्बुरेटर रहेकोमा अब एफआई इन्जिन रहेको छ । त्यसैगरी नयाँ आकर्षक दुई कलर ग्राफिक्समा यो बाइक उपलब्ध छ । चार्जिङ पोर्ट, ओ२ सेन्सर र चेक इन्जिन लाइट लगायतका फिचर थप भएर आएको छ ।

यसमा डीटीएसआई प्रविधिको सिंगल सलिन्डर टु भल्व इन्जिन छ । बजाजले प्याटेन्ट प्राप्त गरेको यो प्रविधिको इन्जिनका कारण माइनस ५ देखि ५० डिग्री सम्म जुनसुकै मौसममा पनि यो बाइकलाई चलाउन सकिन्छ । यी सबै अवस्थामा सो इन्जिनले उही पावर र माइलेज दिन्छ ।

बजाज प्लाटिना ईएस इन्ट्री लेवलको बाइक भएर पनि यसमा इलेक्ट्रिक स्टार्ट सिस्टम उपलब्ध छ । ग्राफिक टिन्टेड फेडप्रुफ बडी, स्लिक रियर प्यानल र क्रोम हिट शिल्ड सहितको ब्ल्याक साइलेन्सरले यसको डिजाइन र स्टाइललाई थप आकर्षक बनाएको छ ।

यो बाइकमा भएको ब्लु–टिङ्ग्ड हेडल्याम्पका कारण रातको समयमा क्लियर भिजिबिलिटी प्रदान गर्छ र यात्रा सुरक्षित हुन्छ ।

बजाजको सबैभन्दा कम मूल्यको बाइकको रुपमा परिचित छ । यसको मूल्य २ लाख १८ हजार ९ सय रुपैयाँ थियो । अब नयाँ इन्जिन र ग्राफिक्स सहितको बाइकको मूल्य भने २ लाख ४९ हजार ९ सय रुपैयाँ तोकिएको छ ।