पहिलो सीएनजी बाइक लन्च गर्ने तयारीमा बजाज

बजाज अटोले जुन १८, २०२४ मा विश्वको पहिलो सीएनजी मोटरसाइकल लन्च गर्ने तयारी गरिरहेको छ । बजाज अटोका प्रबन्ध निर्देशक राजीव बजाजले नयाँ पल्सर एनएस ४००जेड सार्वजनिक कार्यक्रमको अवसरमा उक्त जानकारी दिएका हुन् ।

बजाजको नयाँ सीएनजी मोटरसाइकल परीक्षणको क्रममा धेरै पटक देखिएको छ । टेस्टिङ बाइकमा ठूलो इन्धन ट्यांकी देखिएको थियो, जसले ड्युअल फ्युल सिस्टम तर्फ संकेत गर्छ ।

कम्पनीले सो बाइक लगभग १०० देखि १२५ सीसीको इन्जिन सहित लन्च गर्ने सम्भावना छ । बाइकमा टेलिस्कोपिक फ्रन्ट फोर्क, रियरमा मोनोसक, डिस्क र ड्रम ब्रेक सेटअपका साथै सेफ्टीका लागि बाइकमा सिंगल च्यानल एबीएस वा कम्बी ब्रेकिङ जडान गर्न सकिनेछ ।

बजाजको नयाँ सीएनजी बाइकको नामको बारेमा केही आधिकारिक जानकारी दिइएको छैन । तर बजाजले हालै ब्रुजर नामको ट्रेडमार्क गरेको छ । जसले नयाँ सीएनजी बाइकको नाम ब्रुजर राखिने अनुमान गरिएको छ ।