हेटौडामा चल्दै बजाज ग्रान्ड एक्सचेन्ज मेला, नागरिकताकै भरमा बाइक पाइने

हेटौडा - हेटौडामा ‘बजाज ग्रान्ड एक्सचेन्ज मेला’ भइरहेको छ । फागुन १० गतेदेखि शुरु भएकाे बाइपास रोड कफिबार सँगैको जग्गामा आयोजना भइरहेको मेलामा ग्राहकहरूले नागरिकताको आधारमा मात्र बजाजको बाइक फाइनान्स गर्न सक्नेछन् । मेला आगामी फागुन १५ सम्म चल्ने छ ।

शून्य सर्भिस चार्ज, अन द स्पट फाइनान्स, थप ८ हजार रुपैया अतिरिक्त भ्यालुएसन र आर्कषक छुट सहितको यो योजना ल्याएको कम्पनीले जनाएको छ ।

यो मेलामा कुनैपनि कम्पनीको पुरानो बाइक वा स्कुटरको अधिकतम भ्यालुएसन हुनेछ । कम्पनीले यस खालको एक्सचेन्ज मेलामा ग्राहकहरूको पुरानो बाइकको उचित र उच्चतम मूल्यांकन गर्न विशेष भ्यालुएटरहरू समेत आउँने छन् । यी अनुभवी भ्यालुएटरहरूले ग्राहकहरूको बाइकको न्यायोचित मूल्यांकन गरी कम्पनीको तर्फबाट थप ८ हजार रुपैयाँ सम्मको बोनस भ्यालुएसन ग्राहकहरुले पाउँनेछन ।

यसअघि मोटरसाइकल खरिद गर्दा हुने झन्झटिलो प्रक्रिया, जस्तैः घर जग्गाको लालपुर्जा, पानी वा बिजुलीको बिल, आय स्रोतको सर्टिफिकेट लगायतका कागजातको आवश्यकतालाई यो योजनाले पूर्ण रूपमा हटाएको छ । किस्ताबन्दीमा किन्न चाहने ग्राहकले १ घण्टाभित्रै लोन पास गरेर सरल फाइनान्स मार्फत यो सुविधा पाउनेछन् ।

हेटौडामा भइरहेको बजाज ग्रान्ड एक्सचेन्ज मेला हंसराज हुलासचन्द एण्ड कम्पनी प्रालिको नेपालकै बृहत मोटरसाइकल एक्सचेन्ज योजना हो । यस योजनामा कम्पनीका प्रतिनिधिकै उपस्थितिमा ग्राहकहरूले आफ्ना जुनसुकै कम्पनीका पुराना स्कुटर तथा बाइकहरूको अनुभवी र दक्ष भ्यालुएटरबाट उच्चतम भ्यालुएसन प्राप्त गरी बजाजका नयाँ मोडलहरू सजिलै किन्न सक्ने बजाज हेटौडाका सञ्चालक राजुरत्न बज्राचार्यले जानकारी दिए ।