एक लाखसम्म नगद छुटसहित ‘बजाज ग्रान्ड एक्सचेन्ज कार्निभल’ सुरु, नयाँ खोज्नेलाई झ्याम्मै !

काठमाडौं - नेपालका लागि बजाज मोटरसाइकलको आधिकारिक वितरक हंसराज हुलासचन्द एण्ड कम्पनी प्रालिले ग्राहकमैत्री विशेष योजना सहित ‘नयाँ खोज्नेलाई झ्याम्मै, बजाज ग्रान्ड एक्सचेन्ज कार्निभल’ औपचारिक रूपमा सुरु गरेको छ ।

यो ग्रान्ड एक्सचेन्ज कार्निभल काठमाडौंको भृकुटीमण्डपमा यही २०८३ वैशाख २८ गतेदेखि सुरु भएकाे छ र जेठ ३ गतेसम्म (२०२६ मे ११ देखि मे १७ सम्म) सञ्चालन हुनेछ ।

कार्यक्रममा सहभागी ग्राहकहरूले आफ्नो पुरानो मोटरसाइकल वा स्कुटर एक्सचेन्ज गरी नयाँ बजाज मोटरसाइकल खरिद गर्दा रु. १ लाखसम्म नगद छुट प्राप्त गर्न सक्नेछन् । पुरानो सवारीसाधनको मूल्याङ्कन २२ जना अनुभवी मूल्याङ्कनकर्ताहरू मार्फत पारदर्शी र व्यावसायिक रूपमा गरिनेछ।

थप सुविधाकाे रुपमा सहज वित्तीय सुविधा (अन साइट फाइनान्स), निःशुल्क एसेसरिज, निःशुल्क सेवा शुल्क र अन्य आकर्षक उपहार तथा छुटहरू उपलब्ध हुनेछन् ।

कम्पनीले यो कार्निभललाई ग्राहकहरूका लागि पुरानो सवारीसाधनको उचित मूल्य प्राप्त गर्दै नयाँ बजाज मोटरसाइकलमा अपग्रेड गर्ने उत्कृष्ट अवसरको रूपमा डिजाइन गरेको छ । बजाज नेपालले ग्राहकको आवश्यकता र रुचिलाई केन्द्रमा राखेर निरन्तर यस्ता आकर्षक योजनाहरू ल्याउँदै आएको बताएकाे छ ।