बजाजले ओलालाई दियो ठुलो झट्का, बन्यो भारतको नम्बर १ कम्पनी

कुनै समय भारतको नम्बर वान बन्न सफल ओला इलेक्ट्रिकलाई ठुला झट्का लागेको छ । रिपोर्टका अनुसार कुनै समय नम्बर १ रहेको ओला इलेक्ट्रिक यो वर्ष बिक्रीको मामलामा चौथो स्थानमा झरेको छ ।

बजाज अटोले ओला इलेक्ट्रिकलाई उछिनेर टु ह्विलर इलेक्ट्रिक सेगमेन्टमा शीर्ष स्थान हासिल गरेको छ । ओला इलेक्ट्रिकको बजार हिस्सा जनवरीमा ६.४ प्रतिशतबाट घटेर फेब्रुअरीमा ५.६ प्रतिशतमा झरेको छ । सो सूचीमा टीभीएस दोस्रो स्थान र एथर इनर्जी तेस्रो स्थानमा रह्यो ।

बजाज पछिल्ला केही महिनादेखि निरन्तर माथि बढिरहेको छ। डिसेम्बरमा पहिलो पटक नम्बर एक स्थान हासिल गरेपछि बजाजले टु व्हिलर ईभी बजारको २५ प्रतिशत हिस्सा कब्जा गरेको छ । बजाज ईभीले वार्षिक रूपमा ८१.८२ प्रतिशतको ठुलो वृद्धि गरेको छ ।

टीभीएसले १८ हजार ७६२ युनिट बिक्री गरी मासिक २१.२० प्रतिशतले घटेको छ र गत वर्षको सोही अवधिको तुलनामा २८.१६ प्रतिशतले वृद्धि भएको छ। टीभीएसले जनवरी २०२५ मा २३ हजार ८०९ युनिट र फेब्रुअरीमा २०२४ मा १४ हजार ६३९ युनिट बिक्री गरेको थियो।

रिपोर्टका अनुसार एथर इनर्जीले मासिक ८.५२ प्रतिशतले गिरावट देखेको छ तर वार्षिक २९.८० प्रतिशतको प्रभावशाली वृद्धि दर्ता गरेको छ। फेब्रुुअरीमा बजाज अटो र टीभीएस मोटर पछि बिक्रीमा तेस्रो कम्पनी बनेको छ ।