लन्च हुन केही घण्टा बाँकी रहदा बजाज सीएनजी बाइकको नाम सार्वजनिक

बजाजले भोलि लन्च गर्ने तयारी गरिरहेको विश्वकै पहिलो सीएनजी बाइकको नाम फ्रिडम १२५ हुने खबर सार्वजनिक भएको छ । यो भन्दा पहिले ब्रुजर र अन्य विभिन्न नामको अड्कल गरिए पनि अब भने यसको नाम फ्रिडम १२५ हुने बताइएको हो ।

कम्पनीको आधिकारिक वेबसाइटमा सो नाम राखिएको हो । यो भन्दा पहिले यसको टिजर समेत सार्वजनिक गरिएको थियो । यसमा सीएनजी र पेट्रोलका बिचमा टोगल स्विच देखिन्छ । त्यसैगरी यसमा राउन्ड एलईडी हेडलाइट र बेन्च जस्तै फ्ल्याट सिट छ । हेडलाइटको माथि सानो भाइजर छ ।

यसमा पेट्रोल र सीएनजी इन्धनमा चल्नका लागि छुट्टाछुट्टै ट्याङ्की र सेमी डिजिटल इन्स्ट्रयुमेन्ट कन्सोल हुने अपेक्षा गरिएको छ । यसको इन्जिन क्षमता ११०(१२५ सीसीको बिचमा हुने सम्भावना छ र यसको प्रारम्भिक मूल्य लगभग ८० हजार भारु हुने अनुमान छ।