१२७ किमी रेन्ज र ३५ लिटर बुट स्पेस लगायतका फिचर सहित आयो चेतक इलेक्ट्रिक स्कुटरको नयाँ मोडल

बजाजले आफ्नो लोकप्रिय इलेक्ट्रिक स्कुटर चेतक २९०३ को अपडेटेड भर्सन चेतक ३००१ लन्च गरेको छ । ९९ हजार ९९० भारुमा सो स्कुटर चेतक ३५ सिरिजको प्लेटफर्ममा तयार गरिएको छ ।

यसमा ३.० किलोवाट आवरको ब्याट्री उपलब्ध छ, जसले सिंगल चार्जमा १२७ किलोमिटरको रेन्ज दिने बताइएको छ । यसलाई ३ घण्टा ५० मिनेटमा शून्य देखि ८० प्रतिशत सम्म चार्ज गर्न सकिन्छ । स्कुटरमा ३५ लिटरको बुट स्पेस छ ।

राम्रो रेन्ज चाहने ग्राहकलाई लक्ष्यित गरी यो इलेक्ट्रिक स्कुटर बजारमा उपलब्ध गराएको कम्पनीको भनाइ छ । यसमा नयाँ फ्लोरबोर्ड ब्याट्री, जसले राम्रो स्टेबिलिटी प्रदान गर्छ । यो अब फराकिलो हुनुका साथै यसको सेन्टर अफ ग्राभिटी पनि कम हुनेछ । दैनिक कामकाज र सप्ताहन्तमा घुम्नका लागि समेत यसको उपयोग हुनेछ ।

यो स्कुटरमा ७५० किलोवाटको चार्ज समेत उपलब्ध हुन्छ । यसबाट छिटो चार्ज गर्न पनि सकिन्छ । यसमा कल एक्सेप्ट र रिक्वेस्ट, म्युजिक कन्ट्रोल, गाइड मी होम लाइट्स, हिल होल्ड असिस्ट, रिभर्स लाइट र अटो फ्ल्यासिङ स्टप ल्याम्ज जस्ता फिचर समेत उपलब्ध छन् । यो स्टिल बडी भएको यो क्याटागोरीको एक मात्र स्कुटर हो ।

बजाज चेतक चालु आर्थिक वर्षको जनवरी देखि मार्च सम्मको अवधिमा भारतमा सबैभन्दा धेरै बिक्री हुने इलेक्ट्रिक स्कुटर बनेको छ । ३५ सिरिजमा ३५०१ र ३५०२ जस्ता मोडल छन् । राइडर्सलाई राम्रो रेन्ज र पर्फमेन्स उपलब्ध गराउनका लागि यो नयाँ मोडल ल्याएको कम्पनीको भनाइ छ ।

नेपाली बजारमा समेत बजाज चेतक इलेक्ट्रिक स्कुटर भित्रिने तयारी भइरहेको छ । यस अनुसार आगामी दिनमा यो स्कुटर नेपालमा पनि उपलब्ध हुने अनुमान गर्न सकिन्छ ।