बजाज चेतकको २ लाख युनिट बिक्री आँकडा पार, ८ महिनामा १ लाख युनिट बिक्री

बजाजको चेतक इलेक्ट्रिक स्कुटरले बिक्रीको हिसाबले नयाँ कोसेढुङ्गा हासिल गरेको छ । सो स्कुटर हालसम्म २ लाखभन्दा बढी युनिट बिक्री भइसकेको छ । जुन २०२४ मा करिब १६ हजार ६९१ युनिट बिक्री भइसकेको छ ।

रिपोर्टका अनुसार आर्थिक वर्ष २०२४ मा बजाज चेतकको १ लाख १५ हजार ६२७ युनिट बिक्री भएको थियो । बजाज अटोले आर्थिक वर्ष २०२५ मा पनि उत्कृष्ट सुरुवात गरेको छ । हालसम्म कम्पनीले ४० हजार ८५४ युनिट चेतक बिक्री गरेको छ, जुन गत वर्षको तुलनामा ९६ प्रतिशत बढी हो ।

सवारीसाधनको तथ्याङ्क अनुसार कम्पनीले २०२४ जनवरीदेखि जुनसम्मको अवधिमा ६६ हजार ५१२ युनिट चेतकको बिक्री गरेर ओला इलेक्ट्रिक र टीभीएस मोटर कम्पनीलाई पछि पार्दै तेस्रो नम्बर हासिल गरेको छ ।

नोभेम्बर २०२३ देखि जुन २०२४ सम्मको करिब ८ महिनाको अवधिमा कम्पनीले १ लाख चेतक स्कुटर बिक्री गरेको छ, जसमध्ये २०२४ जुनमा १६ हजार ६९१ युनिट बिक्री भएको छ । त्यसैगरी, पहिलो १ लाख युनिट बिक्री गर्न कम्पनीलाई ४८ महिना लागेको थियो । कम्पनीले आफ्नो बिक्रीलाई थप वृद्धि गर्न आगामी ३ देखि ४ महिनामा १६४ सहर र २०० टचपोइन्टबाट ६०० शोरुममा विस्तार गर्ने योजना बनाएको छ ।

बजाज चेतक ३ भेरिएन्टमा उपलब्ध छ । बेस भेरिएन्टको मूल्य ९५ हजार ९९८ भारु, मिड टियर अर्बनको मूल्य १ लाख २३ हजार र रिभ्याम्पेड रेन्ज टपिङ प्रिमियम भेरिएन्ट मूल्य १ लाख ४७ हजार भारु छ ।