बेबी लियोन्सिनो : बेनेलीको सबैभन्दा सानो स्क्र्याम्बलर लियोन्सिनो १२५ सार्वजनिक

बेनेली लियोन्सिनो १२५ अन्तर्राष्ट्रिय बजारका लागि सार्वजनिक गरिएको छ । यो बेनेली परिवारको सबैभन्दा सानो स्क्र्याम्बलर मोडल हुनेछ । बेनेलीले इटालीमा आयोजित ईआईसीएमएमा सो मोटरसाइकल सार्वजनिक गरेको हो । यो बेनेली लियोन्सिनो २५० पछिको सानो मोडल हुनेछ । यसलाई बेबी लियोन्सिनो पनि भन्न सकिन्छ ।

बेबी लियोन्सिनोमा १२५ सीसी लिक्विडकुल्ड, फोर भल्व इन्जिन छ, जसले १२.८ बीएचपी पावर र १० एनएम टर्क जेनेरेट गर्छ । यसमा भएको फ्युल इन्जेक्टेड मोटरलाई ६–स्पिड गियरबक्ससँग पेयर गरिएको छ ।

यसको डिजाइन पनि पहिलेकै लियोन्सिनो जस्तै छ । यसमा ३५ एमएम अपसाइड डाउन फ्रन्ट फोर्क्स र रियर मोनोसक छ ।

अन्तर्राष्ट्रिय बजारमा यो मोटरसाइकल सन् २०२२ को स्प्रिङ सिजनमा उपलब्ध हुने अनुमान गरिएको छ । नेपाली बजारमा बेनेली बाइक बिक्री–वितरण गरिरहेको केटीएम इन्टरनेसनल ट्रेडिङले कुनै समयमा २५० सीसीको लियोन्सिनो बिक्रीका लागि उपलब्ध गराएको थियो । तर हाल यो उपलब्ध छैन ।

बेनेली लियोन्सिनो १२५ पनि भविष्यमा नेपाली बजारमा आउने अनुमान गर्न सकिन्छ ।