स्पेयर पार्ट्समा भारी छुट सहित अशोक लेल्यान्डको मेगा सर्भिस क्याम्प आयोजना हुँदै

अशोक लेल्यान्ड गाडीको नेपालका लागी आधिकारिक वितरक आईएमई मोटर्सले मेगा सर्भिस क्याम्प आयोजना गर्ने भएको छ । फागुन ८ देखी १४ गतेसम्म अयोजना हुने सो क्याम्पमा ग्राहकले आफूसंग भएको अशोक लेल्यान्डको जुनसुकै गाडीको मर्मत सम्भारमा विभिन्न छुट र सुविधा पाउने छन् । क्याम्प अशोक लेल्यान्डको देशभर संचालनमा रहेका आधिकारिक सर्भिस सेन्टरमा आयोजना हुनेछ ।

‘सुरक्षित गाडीका लागी जेन्यून स्पेयर पार्टस प्रयोग गरौ’ भन्ने नारा साहित संचालन हुन गइरहेको सो क्याम्पमा ग्राहकले स्पेयर पार्ट्समा ५० प्रतिशतसम्म छुटको सुविधा पाउन सक्ने वताइएको छ । साथै गाडीको ४५ प्वाइन्ट चेक अपलाई निशुल्क गरिएको छ भने लेवर चार्ज र लुव्रिकेन्ट्समा १५ प्रतिशत छुटको व्यवस्था मिलाइएको छ ।

अशोक लेल्यान्डको नेपाली बजारमा मिनी पिकअप ट्रक दोस्तदेखी लाइट कमर्सियल, हेभी ट्रक तथा ट्रिप्पर, स्कुल वस र रुटमा चल्ने सुविधासम्पन्न प्यासेन्जर वसहरु उपलब्ध छन् । वलियो इन्जिन, आरामदायी फिचर र उच्च माइलेज लगायत विशेषताका कारण यो व्रान्डको कमर्सियल भेइकल नेपाली बजारमा लोकप्रिय वनिरहेका छन् ।

गाडीको मर्मत सम्भारलाई सहज र सुलभ वनाउन कम्पनीले देशका विभिन्न स्थानमा जेन्यूइन स्पेयर पार्टस र सर्भिस सेन्टरको नेटवर्क विस्तार गरिरहेको छ ।