आइतबार देखि अशोक लेल्यान्डको विन्टर सर्भिस क्याम्प हुने

काठमाडौं – अशोक लेल्यान्डको आधिकारिक वितरक आईएमई मोटर्सले सबै अशोक लेल्यान्डका गाडीहरुका लागि विन्टर सर्भिस क्याम्पको आयोजना गर्ने भएको छ ।

आइतबार देखि प्रारम्भ हुने सो क्याम्प आगामी शुक्रबार सम्म चल्ने छ । सर्भिस क्याम्पमा पार्ट्समा ५ प्रतिशत र लुब्रिकेन्टमा १२ प्रतिशत छुट प्रदान गरिने छ । सो अवसरमा गाडीको ४५ प्वाइन्ट फ्रि चेकअप गरिने छ ।

त्यसैगरी चालकहरुको आँखा र स्वास्थ्य जाँच समेत गरिने छ ।

नेपाली बजारमा अशोक लेल्यान्डका बस, ट्रक, टिप्पर र दोस्त पिकअप बिक्रीका लागि उपलब्ध छन् । पहिले देखि नै बजारमा कार्यरत सबै मोडलका यी सवारी साधनको सर्भिसिङ गर्न सकिने कम्पनीको भनाइ छ ।