चितवनको औद्योगिक प्रदर्शनीमा अशोक लेल्यान्ड दोस्त पिकअप

चितवन - चितवनको भरतपुरमा चलिरहेको अन्तर्राष्ट्रिय औद्योगिक प्रदर्शनीमा अशोक लेल्यान्डको दोस्त पिकअप प्रदर्शन गरिएको छ । नेपालका लागि अशोक लेल्यान्डको आधिकारिक वितरक आईएमई मोटर्सले सो पिकअप प्रदर्शन गरेको हो ।

आईएमई मोटर्सका हेड अफ मार्केटिङ किरण आचार्यका अनुसार चितवन क्षेत्रमा सामान ओसारपसार गर्नु पर्ने कार्य धेरै हुने भएको र यसका लागि दोस्त पिकअप उपयुक्त हुने भएकाले त्यसलाई लक्ष्यित गरी पिकअप प्रदर्शन गरिएको हो ।

उद्योग संघ चितवन र नेपाल उद्योग परिसंघको संयुक्त आयोजनामा उक्त अन्तर्राष्ट्रिय औद्योगिक प्रदर्शनी आयोजना गरिएको हो ।

नेपाली बजारमा एक हजार भन्दा बढी दोस्त पिकअप बिक्री भएको घोषणा आईएमई मोटर्सले गत भदौ महिनामा गरेको थियो । नेपाली बजारमा अशोक लेल्यान्डका दोस्त एफएसडी, दोस्त स्ट्रोङ एफएसडी, दोस्त एचएसडी, दोस्त कन्टेनर र दोस्त रेफ्रिजेरेटर लगायतका विभिन्न मोडलका पिकअप बिक्रीका लागि उपलब्ध छन् ।

यी पिकअपको मूल्य रेन्ज अनुसार २१ लाख ८० हजार देखि ३० लाख ५० हजार रुपैयाँ सम्म छ ।