मारुतीको पहिलो इलेक्ट्रिक कार परीक्षणको क्रममा देखियो, अर्को वर्ष लन्च हुने अनुमान

मारुतीले कम्प्याक्ट एसयूभी सेगमेन्टमा इलेक्ट्रिक गाडी ल्याउने तयारी गरिरहेको छ । मारुतीको पहिलो इलेक्ट्रिक कार ईभीएक्स हुनेछ, जसको परिक्षण सुरु भइसकेको छ । सो एसयूभीको कन्सेप्ट कार गत वर्ष २०२४ अटो एक्सपोमा प्रस्तुत गरिएको थियो ।

परीक्षणमा देखिएको मारुती ईभीएक्समा स्पोर्टी एक्स आकारको फ्रन्ट फेसिया देखिएको छ । साथै यसमा डबल एलईडी डीआरएल र कारको पछाडिको लाइटिङ एलिमेन्ट पनि देखिएको छ ।

यसको साइड प्रोफाइलमा पोलीगोनल ह्विल आर्च र एकीकृत टर्न सिग्नलसहितको ओआरभीएम प्रदान गरिएको छ र पछाडिको ह्यान्डल सी पिलरमा माउन्ट गरिएको छ । ईभीएक्समा स्पोर्टी लुकका लागि ब्ल्याक आउट पिलर हुने अपेक्षा गरिएको छ। साथै रूफ माउन्टेड स्पोइलर, वाशर र वाइपर र बम्पर उपलब्ध गराइएको छ ।

मारुती ईभीएक्समा फ्रन्ट र रियर पार्किङ सेन्सर, ३६० डिग्री मनिटर, ब्लाइन्ड स्पट मोनिटरिङ र टायर प्रेसर मोनिटरिङ सिस्टम जस्ता फिचर उपलब्ध हुनेछ । यसका साथै यसमा राडार र क्यामेरामा आधारित एडास, वायरलेस चार्जर, वायरलेस एन्ड्रोइड अटो र एप्पल कारप्ले, भेन्टिलेटेड सिट, प्रिमियम साउन्ड सिस्टम, अटोमेटिक क्लाइमेट कन्ट्रोल, रियर एसी भेन्ट, ठुलो टचस्क्रिन इन्फोटेनमेन्ट सिस्टम, फ्ल्याट-बटम स्टेयरिङ ह्विल र स्प्रेड-आउट सेन्टर कन्सोल जस्ता फिचर दिइएको छ । यसको क्याबिनमा सफ्ट टच सामग्री प्रयोग गरिएको छ ।

मारुती ईभीएक्समा ६० किलोवाट ब्याट्री प्याक प्रदान गर्न सक्ने सम्भावना छ, जसले लगभग ५०० किलोमिटरको रेन्ज प्रदान गर्नेछ । सो एसयूभी सिंगल मोटर एफडब्ल्युडी र ड्युअल मोटर एडब्ल्युडी विकल्पमा आउने छ । मारुती ईभीएक्स सन् २०२५ मा लन्च हुने अपेक्षा गरिएको छ ।