अप्रिलिया एसएक्सआर अब १२५ सीसीमा आउने

इटालियन कम्पनी पियाजियोले नयाँ स्कुटर अप्रिलिया एसएक्सआर १२५ को लागि भारतमा प्रि–बुकिङ सुरु गरेको छ । सो स्कुटरको उत्पादन सुरु भइसकेको छ । यो भन्दा पहिले १६० सीसीमा उपलब्ध एसएक्सआर स्कुटर नेपाली बजारमा समेत उपलब्ध छ ।

अप्रिलिया एसएक्सआर १२५ को उत्पादन महाराष्ट्रमा कम्पनीको बारामती प्लान्टमा गरिनेछ । केही हप्तामा सो बाइकको लन्चिङ र बिक्री पनि सुरु हुनेछ ।

अप्रिलिया एसएक्सआर १२५ मा १२५ सीसी बीएस–६, ३ सिलिन्डर फ्युल इन्जेक्सन क्लिन एमिसन इन्जिन टेक्नोलोजी भएको इन्जिन उपलब्ध रहेको छ । सो स्कुटरको लुक र डिजाइन म्याक्सी स्कुटर जस्तो देखिन्छ । साथै यो कम्पनीको १६० सीसी स्कुटर एसएक्सआर १६० जस्तो देखिन्छ । यद्यपि यसको इन्जिन १२५ सीसी स्कुटर एसआर १२५ र स्ट्रोम १२५ जस्तो रहेको छ ।

पियाजियो कम्पनीका अनुसार सो स्कुटर भारतको लागि इटालीमा डिजाइन गरिएको थियो । सो स्कुटरमा ट्वीन एलईडी हेडल्याम्प र इन्टिग्रेटेड एलईडी डे टाइम रनिङ लाइटको साथै फ्रन्टमा लोडिङको लागि स्पेस रहेको छ ।

सो स्कुटरमा धेरै लेटेस्ट फिचर रहेको छ । जसमा ¥याप अराउन्ट एलईडी हेडलाइट, एलईडी टेललाइट, लामो आरामदायक सिट, फुल डिजिटल क्लस्टर, ब्लुटुथ मोबाइल कनेक्टिभिटी अप्सन, एडजस्टेबल रियर सस्पेन्सन, सीबीएसको साथमा डिस्क ब्रेक जस्ता फिचर रहेको छ ।

सो स्कुटरमा सिग्नेचर अप्रिलिया ग्राफिक्सको प्रयोग गरिएको छ । सो स्कुटर ४ रङमा उपलब्ध हुनेछ । जसमा मेट ब्ल्याक, ग्लासी ह्वाइट, मेट ब्लु र ग्लासी रेड रङ समावेश रहेको छ ।