अप्रिलिया स्कुटरको राइड कार्यक्रम सम्पन्न, राइडरले मन पराए स्कुटरको पर्फमेन्स

काठमाडौं – अप्रिलिया एसआर १६० को बीएस ६ भर्सन स्कुटरको राइड कार्यक्रम सम्पन्न भएको छ । गत पुस २८ गते सो राइड सम्पन्न भएको हो ।

अप्रिलियाको नेपालका लागि आधिकारिक बिक्रेता डेल्टा अटोकर्पले आयोजना गरेको सो राइड अप्रिलियाको टेकु शोरुमबाट प्रारम्भ भएर पर्यटकीय क्षेत्र नगरकोट सम्म पुगेको थियो ।

राइडमा युवाहरुको आकर्षण देखिएको कम्पनीका निर्देशक एवं सीईओ विजय महतोले जानकारी दिए । ग्राहकलाई एकै ठाउँमा जोडेर आत्मियता बढाउन राइड आयोजना गरिएको उनले बताए । भने, ‘ग्राहकबीच अन्तरक्रिया गराउने, भेइकलको पर्फमेन्स र रिभ्यु गर्ने लक्ष्य सहित राइड आयोजना गरिएको हो ।’ राइड कार्यक्रम उत्साहपूर्ण रुपमा सफल भएको उनले बताए ।

राइडमा सहभागी हुन पाउँदा खुसी लागेको राइडरहरुले बताए । आफूलाई अप्रिलिया स्कुटर र यसको फिचर मन पर्ने उनीहरुको भनाइ थियो ।

एफआई सहितको बीएस ६ इन्जिन र एबीएस फिचर रहेको अप्रिलिया एसआर १६० एकदमै पावरफुल हुनुका साथै धेरै माइलेज दिएको राइडरहरुले बताए ।

राइडमा सहभागीहरुबीच विभिन्न मनोरञ्जनात्मक खेल गतिविधि तथा प्रतियोगिताहरुको आयोजना गरिएको कम्पनीको भनाइ छ । अप्रिलिया प्रिमियम प्रोडक्ट भएको र यसको वारेमा थप जानकारी गराउन पनि यसबाट सहयोग पुगेको बताइएको छ ।

पहिले पनि यस प्रकारका राइड कार्यक्रम आयोजना गरिएको र आगामी दिनमा समेत गर्दै जाने निर्देशक एवं सीईओ महतोले बताए ।