नाडा अटो शोबाट भेस्पा र अप्रिलियाका स्कुटर बुक गर्दा ७५ हजारसम्म छुट पाइने

काठमाडौं - भेस्पा र स्पोर्टी अप्रिलिया स्कुटरको नेपालका लागि आधिकारिक विक्रेता डेल्टा अटोकर्पले ‘सेभिङस एक्स्ट्राभागेन्जा स्किम’ ल्याएको छ । कम्पनीले नाडा अटो शो २०२४ मा पुगेर स्कुटर खरिद गर्ने ग्राहकहरुलाई लक्षित गर्दै छुटको सुविधा ल्याएको हो । 

डेल्टा अटोकर्पका अनुसार उक्त स्किममा अप्रिलिया वा भेस्पा स्कुटर बुक गर्ने ग्राहकहरूले १५ हजारदेखि ७५ हजार रुपैयाँसम्मको छुट पाउने छन् । शोको समयमा स्कुटर बुक गर्ने ग्राहकहरूले अनर २०० र अनर २०० प्रो मोबाइल फोनको खरिदमा ५ प्रतिशत छुटको विशेष अफर पनि पाउन सक्ने कम्पनीले जानकारी दिएको छ । 

डेल्टा अटोकर्पले अटो शोको अवसर पारेर आफ्नो नयाँ प्रडक्ट पनि सार्वजनिक गरेको छ । अटो शोमा नयाँ अप्रिलिया स्टोर्म १२५ बीएस ६ एफआई स्कुटर कम्पनीले सार्वजनिक गरेको हो । 

युवा वर्गको आकर्षणलाई ध्यानमा राख्दै डिजाइन गरिएको यो स्कुटरको नयाँ भेरिएन्टमा केही अपडेटहरू पनि गरिएको छ । नेपाली बजारमा १२५सीसी प्रिमियम स्कुटरहरूको वर्गमा सर्वाधिक लोकप्रिय स्कुटरहरू मध्येको एक यो स्कुटरमा २२० एमएमको भेन्टिलेटेड डिस्क ब्रेकको अपडेटेड ब्रेकिङ सिस्टम रहेको छ । जसमा कम्बी–ब्रेकिङ सिस्टम (सीबीएस) लाई स्टयाण्डर्डको रूपमा राखिएको छ ।

स्कुटरको नियन्त्रण र सुरक्षालाई अझ उत्कृष्ट बनाउन स्कुटरमा सेमी डिजिटल इन्स्ट्रुमेन्ट क्लस्टर राखिएको छ । स्कुटरमा अपडेट गरिएका बडी ग्राफिक्स र रङ्गहरूले यसलाई थप आकर्षक बनाएको कम्पनीले बताएको छ । 

१२–इन्चको एल्लोय ह्वील्स, टेलिस्कोपिक फ्रन्ट फोर्कस साथै पछाडिको मोनोशकले स्कुटरको सवारी अनुभवलाई थप स्टेबल र आरामदायक बनाएको छ । डेल्टा अटोकोर्प निर्देशक तथा सीईओ विजय कुमार महतोले नेपाली सडक सुहाउँदो यो स्कुटरले आम उपभोक्ताको रोजाइमा पर्ने अपेक्षा लिएको बताए । 

‘अप्रिलिया ब्रान्डमार्फत नयाँ उत्पादनहरू प्रस्तुत गर्न पाउँदा खुशी भएका छौं, प्रिमियम इटालियन ब्रान्डहरू मार्फत हाम्रा उपभोक्ताहरूको अनुभवलाई अझ स्मरणीय बनाउने हाम्रो प्रतिबद्धता रहेको छ,’ उनले भने । अप्रिलिया स्टोर्म १२५ बीएस ६ एफआईमा आधुनिक फिचरहरू समावेश भइ तयार भएको पनि महतोले जानकारी दिए । 

अप्रिलिया स्टोर्म १२५ बीएस ६ एफआई स्कुटरको मूल्य कम्पनीले ३ लाख २४ हजार ९०० रुपैयाँबाट सुरू रहेको बताएको छ ।