अप्रिलियाले सार्वजनिक ग-यो २०२१ जीपीआर२५०आर फुल्ली फेयर्ड बाइक, यस्तो छ विशेषता

अप्रिलियाले चीनको शिआन अटो एक्सपोमा २०२१ जीपीआर२५०आर बाइक सार्वजनिक गरेको छ । सो बाइकमा धेरै कस्मेटिक परिवर्तन र अपडेट गरिएको छ । सो बाइकले केटीएम आरसी ३९० र यामाहा वाइजेडएफ आर३ सुपरस्पोर्ट बाइकसँग कडा प्रतिस्पर्धा गर्न सक्ने सम्भावना रहेको छ । सो बाइकमा आकर्षक लुक दिनको लागि प्यानलको साथमा शार्प बडी समावेश गरिएको छ ।

सो बाइकमा शार्प थ्री पीस ह्यान्डलको साथमा एयर इन्टेक र विंगलेट जस्ता प्यानल समावेश गरिएको छ । नयाँ फिचर टीएफटी डिस्प्लेको साथमा सेमी डिजिटल इन्स्ट्रयुमेन्ट क्लस्टर समावेश गरिएको छ । सो बाइकमा २५० सीसी, सिंगल सिलिन्डर, लिक्विड कुल्ड इन्जिनको प्रयोग गरिएको छ । जसले २७.५ बीएचपीको पावर र २१.५ एनएमको टर्क जेनेरेट गर्छ । साथै सो बाइकमा ६ स्पिड ट्रान्समिशन समावेश गरिएको छ ।

बाइकमा पेरिमिटर फ्रेमको साथमा १७ इन्चको अलोय ह्वील समावेश गरिएको छ । सस्पेन्शनको लागि बाइकमा अपसाइड डाउन फ्रन्ट फोर्क सस्पेन्शन र बाइकको पछाडि मोनोशक सस्पेन्शन समावेश गरिएको छ । सेफ्टीको लागि सो बाइकमा डुअल च्यानल एबीएस सेटअप समावेश गरिएको छ ।

चीनमा भर्खरै प्रदर्शन मात्र गरिएकाले यो बाइक अन्य देशमा छिट्टै नै उपलब्ध हुने सम्भावना छैन । नेपालमा समेत यो बाइक आउने सम्भावना तत्कालका लागि छैन ।