एपोलो टायरको विजनेस पार्टनर सम्मेलन सम्पन्न, नयाँ रेन्जका टायर सार्बजनिक

काठमाडौं– भारतको प्रख्यात टायर ब्रान्ड एपोलोले काठमाडौंमा ‘विजनेस पार्टनर कन्फ्रेन्स’ सम्पन्न गरेको छ । हालै सम्पन्न सो सम्मेलनमा देशभरका १५० बढी ब्यावसायिक साँझेदारको उपस्थिती रहेको थियोे छ । सम्मेलनको अवसर पारेर कम्पनीले तीनवटा नयाँ मोडलका टायर समेत लन्च गरेको छ ।

सम्मेलमा एपोलो टायर लिमिटेडका भाइस प्रेसिडेन्ट राजेश दहिया, सार्क क्षेत्रका प्रमुख राजेश उदय कुमार र नेपालका लागी कन्ट्री हेड राजेश दाशको उपस्थिती रहेको थियो । उनीहरु तीनै जनाले संयूक्त रुपमा माइनिङ, लाइट कमर्सिय भेइकल र टु ह्विलरमा प्रयोग हुने नयाँ मोडलका टायर लन्च गरेका हुन् ।

कम्पनीले लन्च गरेको नयाँ टायरमा लाइट कमर्सियल भेइकलका लागी भिहान, माइनिङका लागी टेरा बीटी र टु ह्विलरका लागी ट्रयाम्प्लर भी रहेका छन् । यी नयाँ टायर नेपाली भुगोल र बाटो सुहाँउदो विशेषताका कारण छिट्टै लोकप्रिय हुने विश्वास कम्पनीले लिएको छ ।

नेपाली ग्राहकलाई छिटो, छरितो र प्रभावकारी सेवा प्रदान गर्न कम्पनीले काठमाडौंमा आफ्नो छुट्टै कार्यलय समेत संचालनमा ल्याएको छ ।