एम्पियर इलेक्ट्रिक स्कुटरले ल्यायो उमेरका आधारमा जोडीहरूलाई विशेष छुट प्रदान गर्ने योजना

काठमाडौं – एम्पियर ग्रिभ्स इलेक्ट्रिक स्कुटरको नेपालका लागि आधिकारिक वितरक केडिया अर्गनाइजेसनले भ्यालेन्टाइन डे विशेष अफर ल्याएको छ ।

यो अफरमा जोडीहरूले आफ्नो संयुक्त उमेरको बराबरको छुट पाउनेछन्, जसको अधिकतम सीमा १ लाख ५० हजार रुपैयाँ सम्म हुनेछ । यो अफर विशेष रूपमा एम्पियर प्राइमस मोडलमा लागू हुनेछ र ग्राहकहरूले अफरको फाइदा लिनका लागि आधिकारिक एम्पियर शोरुममा उपस्थित हुनुपर्नेछ।

एम्पियर स्कुटरमा लिथियम फेरो फस्फेट ब्याट्री प्रविधि र मिड-माउन्ट मोटर रहेको छ, जसले उच्च कार्यक्षमताका साथ सुरक्षित र टिकाउ सेवा प्रदान गर्छ। यसका स्कुटरहरू प्रति चार्ज ८०–१०० किलोमिटरको दूरी तय गर्न सक्षम छन् र ३ वर्ष वा ३० हजार किलोमिटरको वारेन्टी पनि उपलब्ध छ। एम्पियर स्कुटरको शुरुवाती मूल्य २ लाख ५० हजार रुपैयाँ देखि सुरु हुन्छ।

नेपाली बजारमा एम्पियरका म्याग्नस, प्राइमस र नेक्सस गरी तीन मोडल उपलब्ध छन् । विद्यार्थीे, कर्मचारी, गृहिणी वा विशेष आवश्यकताका सबै व्यक्तिहरुका लागि स्कुटर उपलब्ध छन् ।

हाल काठमाडौंको टेकु र भक्तपुरका साथै इटहरी, विर्तामोड, पोखरा, भैरहवा लगायतका स्थानमा एम्पियर इलेक्ट्रिक स्कुटर उपलब्ध छन् ।

एम्पियर भारतको अग्रणी विद्युतीय सवारी ब्रान्ड हो, जुन ‘डिजाइन्ड इन इन्डिया । मेड इन इन्डिया’ नाराका साथ संचालनमा आएको छ । हालसम्म भारतमा ३ लाखभन्दा बढी ग्राहकहरूले एम्पियर स्कुटरको प्रयोग गरिसकेका छन्, जसले यसलाई भारतका शीर्ष ५ इलेक्ट्रिक स्कुटर ब्रान्डमध्ये एक बनाएको छ।

१०९ वर्ष पुरानो समूह केडिया अर्गनाइजेसन निर्माण सामग्री, सिसा उत्पादन, वित्तीय संस्था, व्यापार र उत्पादन उद्योगमा व्यापक रूपमा संलग्न छ। यसका प्रमुख ब्रान्डहरूमा बृज सिमेन्ट, बृज एडिटिभ्स, श्री स्टिल्स र बृज हिमालयन स्प्रिङ वाटर आदि रहेका छन्।