यसकारण ‘द नो प्रोब्लम राइड’ छ नयाँ सुजुकी एक्सेस १२५ स्कुटर (भिडियो सहित)

नेपाली बजारमा हालै सुजुकी एक्सेस १२५ स्कुटरको नयाँ संस्करण उपलब्ध भएको छ । एफआई अर्थात फयुल इन्जेक्टेड, बीएस६ इन्जिनमा उपलब्ध सो स्कुटरलाई कम्पनीले ‘द नो प्रोब्लम राइड’ ट्यागलाइन दिएको छ ।

स्कुटरको पिकअप अर्थात पावर र पर्फमेन्स, माइलेज, स्टोरेज र चार्जिङ लगायतका फिचरका कारण यसलाई लामो दुरीको यात्रामा समेत प्रयोग गर्न सकिने र कुनै असहज अवस्था नहुने भएका कारण यसलाई नो प्रोब्लम राइड भनिएको कम्पनीको भनाइ छ ।

यसमा १२४ सीसीको एयरकुल्ड, सिंगल सिलिन्डर, फ्युल इन्जेक्टेड बीएस६ इन्जिन छ, जुन ओबीडी–२बी अन–बोर्ड डायग्नोस्टिक मापदण्डयुक्त छ । यो हाल लागू भएको सबैभन्दा कडा उत्सर्जन नियमन हो । यसले ८.३ बीएचपी पावर र १०.२ एनएम टर्क उत्पादन गर्छ, जसले नेपालको शहरी र राजमार्ग दुवै सवारीका लागि सहज अनुभव प्रदान गर्दछ।

यसको माइलेज पनि करिव ६० किलोमिटर हाराहारी हुने बताइएको छ । वर्ल्ड मोटरसाइकल टेस्ट साइकल (डब्लुएमटीसी) ले परीक्षण गरेरै यो स्कुटरले ५७.३ किलोमिटरको माइलेज दिने प्रमाणित गरेको छ । तर व्यावहारिक रुपमा यो भन्दा अझै बढी माइलेज दिने कम्पनीको भनाइ छ ।

यसको स्टोरेज पनि आकर्षक छ । २४ लिटरको बुट स्पेस सहितको अन्डरसिट स्टोरेजमा प्रशस्तै सामान राख्न सकिन्छ । त्यसैगरी लामो दुरीको यात्रा गर्दा मोबाइल चार्ज गर्न र मोबाइललाई सहज तरिकाले राख्नका लागि स्टोरेज समेत उपलब्ध छ । यी सबैका कारण यो स्कुटरमा ‘नो प्रोब्लम राइड’ गर्न सकिन्छ ।

सुजुकी एक्सेस १२५ स्कुटर सुजुकीको पेटेन्ट प्राप्त एसईपी अर्थात सुजुकी इको पर्फमेन्स एक प्रविधि हो, जसले इन्धन किफायतीपना र राम्रो पर्फमेन्स प्रदान गर्नमा भूमिका खेल्छ । यसले कम इन्धन खर्चमा बढी माइलेज, स्मुद राइड र राम्रो पावर प्रदान गर्छ । यसलाई सामान्य अर्थमा ‘सुपेरियर एक्सेलरेसन, लो फ्युल कन्जम्सन’ भन्न सकिन्छ ।

यो स्कुटर क्लासिक तथा मोडर्न रेट्रो लुक्समा उपलब्ध छ । यसको अघिल्लो भागमा नयाँ रिफ्लेक्टरमा आधारित एलईडी हेडल्याम्प सेटअपका साथै हेडल्याम्प र साइड मिररमा क्रोम फिनिस्ड गरिएको छ । सुजुकी लोगोका साथमा डीआरएल अर्थात डे टाइम रनिङ लाइट, तल्लो भागमा इन्डिकेन्टरका साथ हाजार्ड ल्याम्प लगायतका फिचर छन् । यी सबैका कारण स्कुटरको लुक्स प्रिमियम देखिएको छ ।

https://youtu.be/u5t0Zr1_org?si=-PoHn5Ew6oaao_9c

त्यसैगरी नयाँ आइकोनिक पोजिसन ल्याम्प, वान वे क्लच, लामो फ्लोर बोर्ड र एक्सटर्नल फयुल लिड लगायतका विशेष फिचर यसमा रहेका छन् । इन्धन भर्ने स्थान पछिल्लो भागमा रहेको छ भने सिट पनि लामो भएकाले सहज तरिकाले दुई जना बस्न मिल्छ भने सामान राख्नका लागि फ्लोर बोर्ड समेत फराकिलो छ ।

सुजुकी एक्सेस स्कुटर भारतमा १२५ सीसीमा सबैभन्दा धेरै बिक्री हुने स्कुटर हो । भारतमा ५० लाख भन्दा बढी एक्सेस स्कुटर बिक्री भइसकेका छन् । पर्फमेन्स, एड्भान्स इमिसन नर्म्स र आकर्षक कलर अप्सनका कारण यो धेरैको रोजाइमा परेको मानिन्छ ।

ड्रम र डिस्क भेरिएन्टमा उपलब्ध सो स्कुटरको मूल्य क्रमशः २ लाख ८९ हजार ९ सय र ३ लाख ५ हजार ९ सय रुपैयाँ तोकिएको छ । सुजुकी स्कुटरमा कम्पनीले ५ वर्ष सम्म निःशुल्क सर्भिसिङ समेत उपलब्ध गराएको छ । नेपालभर रहेका कम्पनीका शोरुमहरुमा यो स्कुटर अवलोकन र टेस्ट राइड गर्न सकिन्छ ।