कारमा अब आर्टिफिसियल इन्टेलिजेन्स : यसकारण छ विशेष

कार निर्माताहरू लगातार आफ्नो मोडललाई थप आधुनिक बनाउन काम गरिरहेका छन् । कारलाई आधुनिकीकरण गर्ने नयाँ प्रविधिको रुपमा आर्टिफिसियल इन्टेलिजेन्स अर्थात् एआई प्रयोग हुन थालेको छ । यो प्रविधि विकास गर्न निरन्तर काम भइरहेको छ ।

आर्टिफिसियल इन्टेलिजेन्सको उद्देश्य कारमा यात्रु र चालकलाई झन्झटमुक्त अनुभव गराउनु हो । कार भित्र गर्मी अनुभव भएमा कारको एसी कुलिङ स्वतः बढ्नु, गाडी स्टार्ट गर्दा साइड भ्यु मिरर आफै खुल्नु आदि जस्ता काम कारको एआईको मद्दतले गरिन्छ । यसलाई नै आर्टिफिसियल इन्टेलिजेन्स भनिन्छ ।

एआईको उद्देश्य कारमा यात्रा गर्दा यात्रालाई सजिलो र सुरक्षित बनाउनु हो । उदाहरणका लागि, कारमा स्वचालित गति घटाउने, सिट समायोजन, हेडलाइटको प्रकाश, टायरमा कम हावाको चापको बारेमा जानकारी दिने, सिट बेल्ट अलर्ट, ढोका खोल्ने अलर्ट आदि कामहरू एआईको सहयोगमा गरिन्छ ।

इलेक्ट्रिक कारमा विशेषगरी एआईको धेरै प्रयोग गरिन्छ । ईभीको प्रत्येक कम्पोनेन्टले कारको स्थिति र परिवेशबाट डाटा सङ्कलन गर्छ । सो डाटा अन–बोर्ड माइक्रोप्रोसेसरमा उत्पन्न हुन्छ, जसले मेकानिकल भागहरू नियन्त्रण गर्छ ।

इलेक्ट्रिक कारको ब्याट्री प्याकमा बीएमएस हुन्छ, जसले प्याकमा प्रत्येक सेलको स्थिति, भोल्टेज र करेन्ट, रिचार्ज स्थिति, ब्याट्रीको अवस्था र वरपरको वातावरणको बारेमा निरन्तर डाटा दिन्छ । यही डाटामार्फत एआईआई उत्कृष्ट बनाउन प्रयोग गरिन्छ ।