अग्नि समूहको नेपालमा ३० बर्ष पुरा, उदय छात्रवृत्ति पुरस्कार २०७८ प्रदान

महिन्द्रा गाडीको नेपालका लागी आधिकारिक बितरकका रुपमा कार्य गर्दै आइरहेको अग्नी समुह ३१ औं वर्षमा प्रबेश गरेको छ । ३० वर्ष पूरा भएको अवसरमा सो समुहले एक कार्यक्रमको आयोजना गरी अग्नि उदय छात्रवृत्ति पुरस्कार २०७८ प्रदान गरेको छ कार्यक्रममा अग्नि ग्रुपका प्रबन्ध निर्देशक क्याबिनेट श्रेष्ठले कम्पनीका सबै सरोकारवालाहरूलाई निरन्तर सहयोग र साझेदारीका लागि धन्यबाद दिएका थिए ।

‘हाम्रा ग्राहक, डिलर नेटवर्क, साझेदारहरू र हाम्रो टीमबिना हामी यति टाढा पुग्न सक्ने थिएनौं । म यात्राको हिस्सा बन्न र सँगै विरासत निर्माण गरेकोमा उहाँहरू हरेकलाई धन्यवाद दिन चाहन्छु । यो त सुरुवात मात्र हो, आगामी वर्षहरू एक अर्कालाई कदर गर्दै सँगसँगै अघि बढ्दै जानेछौ’ श्रेष्ठले भने ।

अग्नी ग्रुपले सन् १९९१ मा महिन्द्रा युटिलिटी गाडी तथा ट्राक्टरको अधिकृत वितरकको रूपमा व्यवसाय आरम्भ गरेको थियो । हाल यो समुहले महिन्द्रा गाडी र जावा मोटरसाइकलको बिक्री, स्पेयर पार्टस् र सेवाहरू प्रादन गर्दै आइरहेको छ । देशभर ७१ भन्दा बढी डिलर तथा शाखाहरू संचालनमा रहेको यो समुह नेपालको अटोमोबाइल क्षेत्रमा सर्बाधिक बढी नेटवर्क भएको कम्पनी मध्ये एक मानिन्छ । कम्पनीले लजिस्टिकदेखि वित्तीय क्षेत्रसम्मका अन्य उद्यमहरूमा विविधीकरण गरेको छ र हाल यस समूहअन्तर्गत १० भन्दा बढी कम्पनीहरू सञ्चालनमा छन् ।

उक्त कार्यक्रममा उदय छात्रवृत्ति पुरस्कार हस्तान्तरण पनि गरिएको थियो । कम्पनीले यस वर्ष एसइई उत्तीर्ण गरेका ३० जना विद्यार्थीलाई उच्च शिक्षाका लागि छात्रवृत्ति प्रदान गरेको हो ।

“हरेक वर्ष हामी २५ जना विद्यार्थीहरूलाई पुरस्कार वितरण गर्छौं तर यस वर्ष हामीले ३० जना विद्यार्थीहरूलाई हाम्रो ३० वर्षे उत्सवका लागि छानेका हौं । हामी योग्य विद्यार्थीहरुलाई अवसर प्रदान गर्न प्रतिबद्ध छौं र आगामी दिनमा पनि यो पुरस्कारलाई निरन्तरता दिनेछौं,” अग्नी ग्रुपका नायब–निर्देशक बरदान बस्नेतले भने ।

अग्नि ग्रुपको सञ्चालक समिति, महिन्द्रा ग्रुपका प्रतिनिधिहरुका साथै खेलकुद, संगीत र चलचित्र क्षेत्रका चर्चित व्यक्तित्वहरूको उपस्थितिमा कार्यक्रम सम्पन्न भएको हो ।