बीमा दावी सहज बनाउन बालाजु अटो वर्क्स र आईजिआई प्रुडेन्सियल इन्स्योरेन्सविच सम्झौता

काठमाडौं– महिन्द्रा फोर ह्विलरको नेपालका लागि आधिकारिक बिक्रेता अग्नि ग्रुपको सहायक कम्पनी बालाजु अटो वर्क्स र अग्नि हायेर पर्चेजले नगदरहित दाबीका लागि आईजिआई प्रुडेन्सियल इन्स्योरेन्स कम्पनी लिमिटेडसँग सम्झौता गरेको छ ।

बालाजु अटो वर्क्स प्रालिका प्रबन्ध निर्देशक अर्जुन प्रसाद शर्मा र सर्भिस हेड शिव सुदन श्रेष्ठ तथा आईजिआई प्रुडेन्सियल इन्स्योरेन्सका प्रमुख कार्यकारी अधिकृत युगेशभक्त बाडे श्रेष्ठको उपस्थितमा उक्त सम्झौता गरिएको हो । इन्स्योरेन्सका तर्फबाट बागमती प्रदेश प्रमुख (उपत्यका भित्र) श्रीराम भण्डारी र गंगबु शाखा प्रबन्धक नरेन्द्र अधिकारीको साथै अग्नि ग्रुपका अन्य प्रतिनिधिहरुको समेत उपस्थिती रहेको थियो ।

समझौता पश्चात महिन्द्रा ग्राहकले सवारी साधन मर्मत सम्भार तथा बीमा दाबी गर्दा छिटो, सहज, पहुँचयोग्य र झन्झटमुक्त सेवाहरू प्राप्त गर्न सकिने कम्पनीले जनाएको छ ।