१८ र १९ गते अग्नी आश्थाको एक्सचेन्ज र फ्रि सर्भिस क्याम्प, यस्ता छन् छुट र सुविधा

महिन्द्राको रिकन्डिसन गाडी कारोबावर गर्ने आधिकारिक कम्पनी अग्नी आश्थाले काठमाडौंमा २ दिने एक्सचेन्ज तथा फ्रि सर्भिस क्याम्प आयोजना गर्ने भएको छ । ललितपुरको थसिखेलस्थित शोरुममा कम्पनीले पुष १८ र १९ गते सो क्याम्प आयोजन गर्न लागेको हो ।

शोरुमसंगै सर्भिस सेन्टर समेत संचालन गर्दै आइरहेको अग्नी आश्थाले उक्त क्याम्पमा गाडीको सर्भिस गराउँदा लाग्ने लेवर चार्जलाई निशुल्क गर्ने बताएको छ । साथै लुव्रिकेन्ट र स्पेयर पार्टसमा १० प्रतिशत छुट, एक्सचेन्जमा उत्कृष्ट मूल्यांकन, पुरानो गाडीमा पनि अतिरिक्त वारेन्टि र सहज फाइनान्सको सुविधा रहेको छ ।

महिन्द्रा गाडीको आधिकारिक वितरक अग्नी ग्रुप अन्तर्गको यो कम्पनीले रिकन्डिसन गाडीको कारोवारमा तत्कालै फाइनान्स, सर्वोत्कृष्ट मूल्यांकन, तत्काल भुक्तानी, थप वारेन्टि र विना झन्झट नामसारी लगायत सुविधा उपलब्ध गराउँदै आएको छ ।

कम्पनीले काठमाडौं उपत्यकासहित पोखरा र इटहरीमा समेत शोरुम तथा सर्भिस सेन्टर संचालन गरी रिकिन्डसन गाडीको कारोवार गरिरहेको छ ।