फुल्ली इलेक्ट्रिक एसयूभीको रुपमा ‘डोङफेङ नामी ०६’ को दक्षिण अफ्रिका इन्ट्री

फुल्ली इलेक्ट्रिक एसयूभीको रुपमा डोङफेङ नामी ०६ दक्षिण अफ्रिकामा लन्च भएको छ । नेपाल लगायत विश्वका धेरै देशमा ‘भिगो’ भनिने सो एसयूभी डोङफेङको दक्षिण अफ्रिकामा तेस्रो मोडल हो । यो भन्दा पहिले बक्स ह्याचब्याक र ००७ प्रिमियम सेडान त्यहाँ उपलब्ध छन् ।

यसका दुई भर्सन उपलब्ध हुनेछन् । यो भध्ये नामी ०६ ई१ को मूल्य ४ लाख ९९ हजार दक्षिण अफ्रिकी -यान्ड तोकिएको छ । दुवैमा २३० एनएम टर्क सहितको १२० किलोवाट फ्रन्ट माउन्टेड मोटर हुनेछ । यसले ७.८ सेकेन्डमा १०० किलोमिटर प्रतिघण्टा सम्मको गति लिन सक्छ । नामी ०६ ई१ मा ४४.९४ किलोवाट आवरको लिथियम आइरन फस्फेट ब्याट्री रहेको छ, जसले चाइनिज टेस्टिङ साइकल (सीएलटीसी) अनुसार ४०१ किलोमिटरको रेन्ज दिन्छ । प्रचलित डब्लुएलटीपी स्ट्यान्डर्ड अनुसार यसले ३०० किलोमिटर सम्मको रेन्ज दिन्छ । ६० किलोवाट सम्मको डीसी फास्ट चार्जिङमार्फत यसलाई ३० सेकेन्डमा ३० देखि ८० प्रतिशत सम्म चार्ज गर्न सकिन्छ ।

अर्को ई३ मोडलमा ठुलो ५१.८७ किलोवाट आवरको लिथियम आइरन फस्फेट ब्याट्री रहेको छ, जसले चाइनिज टेस्टिङ साइकल (सीएलटीसी) अनुसार ४७१ किलोमिटरको रेन्ज दिन्छ । प्रचलित डब्लुएलटीपी स्ट्यान्डर्ड अनुसार यसले ३५० किलोमिटर सम्मको रेन्ज दिन्छ । १६७ किलोवाट सम्मको डीसी फास्ट चार्जिङमार्फत यसलाई १८ सेकेन्डमै ३० देखि ८० प्रतिशत सम्म चार्ज गर्न सकिन्छ । एसी चार्जिङका लागि ६.६ किलोवाटको चार्जर प्रयोग गर्न सकिन्छ ।

डोङफेङ नामी ०६ मा अन्य धेरै आधुनिक सुविधाहरू पनि समावेश गरिएका छन्। यसमा १२.८–इन्चको सेन्टर इन्फोटेनमेन्ट डिस्प्ले, ८.८८–इन्च डिजिटल इन्स्ट्रयुमेन्ट क्लस्टर, छ वटा स्पिकर भएको अडियो सिस्टम, वायरलेस फोन चार्जर, रियरभ्यु क्यामेरा तथा पार्किङ सेन्सर जस्ता फिचर उपलब्ध छन्।

सुरक्षाका दृष्टिले यसमा कर्टेन एयरब्यागसहित कुल छ वटा एयरब्याग, अटोमेटिक एयर कन्डिसनिङ, डाइरेक्ट टायर प्रेसर मोनिटरिङ सिस्टम (टीपीएमएस), लेदररेट सिट, हिल–स्टार्ट असिस्ट, इलेक्ट्रोनिक स्टेबिलिटी कन्ट्रोल (ईएससी), ब्रेक असिस्ट र ट्र्याक्सन कन्ट्रोल जस्ता प्रविधि समावेश गरिएको छ।

यसका साथै, सो गाडीमा ५०० लिटर क्षमताको बुट स्पेस पनि उपलब्ध छ, जसले यात्राका क्रममा सामान राख्न पर्याप्त स्थान प्रदान गर्छ।