दशैँ–तिहारमा इनड्राइभको ‘सुनको सवारी’, यात्रा गर्दा सुनका सिक्का, टिभी र स्मार्टवाच जित्ने अवसर

काठमाडौं–नेपालीहरूको महान् चाड दशैँ तथा तिहारको अवसर पारेर विश्वव्यापी मोबिलिटी प्लेटफर्म इनड्राइभले यात्रुहरूका लागि ‘सुनको सवारी’ नामक विशेष क्याम्पेन सुरु गरेको छ ।

अक्टोबर १ देखि नोभेम्बर ११, २०२६ सम्म कूल ६ हप्ता सञ्चालन हुने यस योजनाअन्तर्गत यात्रुहरूले नियमित राइड पूरा गरेरै आकर्षित उपहारहरू जित्न सक्नेछन् ।

चाडपर्वको समयमा किनमेल, टीका तथा आफन्त भेटघाटका लागि यात्राको माग बढ्ने भएकाले यात्रुहरूको दैनिक यात्रालाई थप उत्साहजनक र यादगार बनाउने उद्देश्यले इनड्राइभले यो अफर ल्याएको हो ।

क्याम्पेन अवधिभर इनड्राइभमार्फत राइड गर्ने यात्रुहरू स्वतः साप्ताहिक लक्की ड्रमा सहभागी हुनेछन् । हप्तामा कम्तीमा १ राइड पूरा गर्नेले स्मार्टवाच, ३ वा सोभन्दा बढी राइड पूरा गर्नेले ३२ इन्चको सामसुङ स्मार्ट टिभी र ५ वा सोभन्दा बढी राइड पूरा गर्नेले ५ ग्राम सुनको सिक्का जित्ने अवसर पाउनेछन् ।

छ हप्ताको अवधिमा इनड्राइभले कुल ६ वटा ५ ग्राम सुनका सिक्का, ६ वटा सामसुङ स्मार्ट टिभी र १२ वटा स्मार्टवाच वितरण गर्नेछ । विजेताहरूको घोषणा इनड्राइभको आधिकारिक सामाजिक सञ्जालमार्फत गरिनेछ ।