टिग्मोमार्फत आईएमईमा पैसा पठाउँदा अभिषेकले जिते बीवाईडी एट्टो १

काठमाडौं — साउदी अरबबाट डिजिटल वालेट टिग्मोमार्फत आईएमईमा पैसा पठाएका अभिषेक कालाखेतीले बीवाईडी एट्टो १ ईभी उपहार पाएका छन्।

मंगलबार आयोजित एक विशेष कार्यक्रमका बीच विजेता अभिषेक कालाखेतीका तर्फबाट उनकी श्रीमती कल्पना कालाखेतीलाई उक्त विद्युतीय कार हस्तान्तरण गरिएको हो ।

टिग्मोमार्फत आईएमई गरौ, उपहार जितौं योजनाअन्तर्गत अन्य विभिन्न पुरस्कारहरू पनि हस्तान्तरण गरिएका छन् । जसअन्तर्गत, युवराज न्यौपानेर र सन्तोष गिरीले याडिया ओविन स्कुटर पाएका छन् भने अन्य १२ जना भाग्यशाली विजेताले आइफोन १७ जितेका छन् ।

पुरस्कार वितरण कार्यक्रममा आईएमई ग्रुपका अध्यक्ष चन्द्रप्रसाद ढकाल तथा टिग्मोका प्रतिनिधिले संयुक्त रूपमा विजेताहरूलाई पुरस्कार प्रदान गरेका थिए ।